Бүдүүлэг улс төрчдийн буухиаг Н.Амарзаяа гишүүн үргэлжлүүлэв
2017 оны 1 сарын 4

Төрийн жолоог атгахаар түмэн олны саналаар сонгогдож гарсан шинэхэн гишүүд эхнээсээ илт бүдүүлэг үг, үйлдэл, биеэ авч яваа байдлаараа олны дургүйцлийг төрүүлэх болсон. Тиймээс ч тэдэнд дипломат ёс, төрийн хүний биеэ авч явах соёлын талаар зааж, сургаж байхгүй бол намынхаа нэрээр "өөрөө ч мэдэлгүй" УИХ-ын гишүүн болчихсон энэ хэдэн нөхдүүд олон улсын өмнө Монголын нэрийг түлж гүйцлээ хэмээн ард иргэд бухимдлаа илэрхийлсээр байгаа.

Францад айлчилж байхдаа Ж.Мөнхбатын халаасандаа гараа хийсэн шигээ гадны улс төрчидтэй гар барьж яваа Ж.Мөхбатын араас Арабын Нэгдсэн Эмиратыг зорьсон М.Энхболдын айлчлалын багт багтсан эмэгтэйн богино банзлын дуулиан, эрхи барьсан дэд сайд Б.Цогтгэрэл зэргээр энэ жагсаалт хөвөрнө. Тэгвэл тэдний араас бас нэгэн улс төрч эмэгтэйн бүдүүлэг үйлдэл асуудал дагуулж эхлэв.

Тодруулбал, УИХ-ын Өргөдлийн байнгын хорооны хурлаар агаарын бохирдлын талаар хэлэлцэх үеэр УИХ-ын гишүүн Н.Амарзаяа төрийн ширээний ард, албан хурал хэлэлцүүлгийн үеэр бохь зажлангаа, хээв нэг гараа зөрүүлэн сууж буй нь олны эгдүүцлийг хүргэв. Угтаа бол төрийн байтугай хувийн нэг жижиг байгууллагын хурлын ширээний ард ч бохь зажлах нь бүдүүлэг соёлгүй хэрэг. Төрийн ордонд ч бохь зажлахыг хамгаалалтын албанаас хориглодог. Гэвч Н.Амарзаяа гишүүн ийнхүү төрийн ёс журмыг хүндэтгээгүй тул олон нийтээс хатуухан шүүмжлэл хүртээд байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Монгол Улсын Үндсэн хуульд нэмэлт, өөрчлөлт оруулах нь зөв үү?
  • Зөв
  • Буруу
  • Мэдэхгүй