Н.Энхболд О.Баасанхүүд банга хүртээв
2017 оны 1 сарын 5

Монгол Улсын Ерөнхийлөгчийн сонгуулийн тухай хуулийн төслийг өргөн барьснаас хойш гүтгэлэг хэрээс хэтэрч байна гэж УИХ-ын гишүүн Н.Энхболд өчигдөр /2017.01.04/ УИХ-ын Аюулгүй байдал, гадаад бодлогын байнгын хорооны хуралдаанд оролцох үеэрээ хэллээ.

Тэрбээр “УИХ-ын гишүүд хэлж, ярьж буй үгэндээ хариуцлагатай хандмаар байна. УИХ-ын гишүүн О.Баасанхүү өчигдөр “Монгол Улсын Ерөнхийлөгчийн сонгуульд ганцхан МАН хүнээ нэр дэвшүүлэх боломжтой байхаар хуулийн төслийг санаачлан өргөн мэдүүллээ” гэж мэдэгдэл хийн олон нийтийг бужигнууллаа.

Монгол Улсын Үндсэн хуульд “Парламентад суудалтай улс төрийн хүчин Ерөнхийлөгчийн сонгуульд хүнээ нэр дэвшүүлнэ” гэж заасан. Энэ заалт тэр чигээрээ Монгол Улсын Ерөнхийлөгчийн сонгуулийн тухай хуульд суусан. Ерөөсөө Үндсэн хуульд заасан заалтуудыг хуулийн төсөлд тусгачихсан байхад л Үндсэн хууль зөрчсөн Ерөнхийлөгчийн сонгуулийн хууль өргөн барилаа” гэж тайлбарлаж байгааг ойлгохгүй байна. Хуулиа уншдаггүй юм уу, эсвэл хэргээр ингэж мушгиад байдаг юм уу” гэлээ.

УИХ-ын гишүүн О.Баасанхүү энэ сарын 03-нд Монгол Улсын Ерөнхийлөгчийн сонгуулийн тухай хуулийн төсөлд “45 нас хүрсэн, эх орондоо таваас доошгүй жил оршин суусан хүн Ерөнхийлөгчид нэр дэвшинэ” гэх мэт заалт нь Үндсэн хуультай зөрчилдөнө гэж мэдэгдсэн юм. Гэвч үүнд Монгол Улсын Ерөнхийлөгчийн сонгуулийн тухай хуулийн төслийг санаачилсан УИХ-ын гишүүн Н.Энхболд дээрх тайлбар хийж, улстөржихгүй байхыг сануулав.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Гарцгүй газраар зам гарвал 20 мянгаар торгохыг та дэмжиж байна уу?
  • Дэмжиж байна
  • Дэмжихгүй