Шүүхийн шийдвэрийн талаар С.Оюун УИХ-д өргөдөл гаргажээ
2017 оны 1 сарын 6

УИХ-ын гишүүн асан С.Оюун УИХ-ын Тусгай хяналтын дэд хороонд өргөдөл ирүүлсэн бөгөөд нэг хувийг нь УИХ-ын Өргөдлийн байнгын хороонд хүргүүлжээ. Тус байнгын хороо хаалттай хуралдах үеэрээ уг өргөдлийг байнгын хорооны гишүүдэд уншиж танилцуулсан байна. Уг өргөдөлд Төрийн нууцын тухай хуулийг шүүн таслах ажиллагаанд хэрэглэсэн байдалд хяналт тавихыг хүссэн байсан аж.

Өнгөрөгч 12 дугаар сарын 27-ны өдөр С.Зориг агсны амь насыг хөнөөсөн хэргийг шүүн хэлэлцэж гаргасан шүүхийн шийдвэрт эргэлзэж байгаагаа УИХ-ын гишүүн асан С.Оюун мэдэгдсэн.

Тэрбээр "Хэргийг төрийн маш нууцын зэрэглэлд хамруулж шүүх ажиллагааг хаалттай явууллаа. Хэрэгт холбогдох, гүйцэтгэх ажлын болон төрийн нууцын зэрэглэлд хамаарахаас бусад мэдээллийг Эрүүгийн ба эрүүгийн байцаан шийтгэх хуулийн хэм хэмжээнд мөрдөх тухай хүсэлтийг хохирогч бидний зүгээс Нийслэлийн хяналтын прокурорт хандан гаргаж мөн шүүх хуралдааныг ч нээлттэй явуулахыг хүссэн боловч прокурор, шүүхийн аль аль нь хүлээж аваагүй юм.

Шүүх хуралдаанд хохирогч бидний өмнөөс өмгөөлөгч оролцож байр суурийг маань хуульзүйн үндэслэлтэйгээр тайлбарласан. С.Зоригийн амь насыг бүрэлгэсэн гэмт хэргийн захиалагч, зохион байгуулагч, гүйцтэгэгч нарт холбогдох хэрэг энэ шүүх хуралдаанаар дуусгавар болоогүй, эцэслэн шийдэгдээгүй гэж үзэж байна” гэжээ.

Энэхүү мэдэгдэлтэй утга бүхий өргөдлийг тэрбээр УИХ-д хүргүүлсэн аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
МАН-ын шинэ даргад хэн нь тохирох вэ?
  • Ж.Эрдэнэбат
  • Ц.Нямдорж
  • У.Хүрэлсүх
  • Н.Энхболд
  • Ө.Энхтүвшин