Боловсролын сайдын бүдүүн баараг зөвлөгөө
2017 оны 1 сарын 7

Өчигдөр Төрийн ордонд болсон аймаг, нийслэлийн ИТХ-ын дарга, Засаг дарга нарын семинарт БСШУС-ын сайд Ж.Батсуурь багш нарын мэдлэг ур чадварын асуудлыг чанаржуулахад бүх багш нарыг ажлын байран дээрээс нь дахиж шалгалт аваад, алдаатай бичдэг, асуудалтай багш нарыг ажлаас нь халахыг зөвлөжээ. Мөн арын хаалганы биш, ажлаа мэддэг хүнийг багшаар аваач гэдгийг боловсролын байгууллагуудад захина гэдгээ хэлсэн байна.

Түүнчлэн АН-ын үед Л.Гантөмөр Боловсролын сайд байхдаа хэрэгжүүлсэн “Цөм” хөтөлбөрийг гоё, сайхан нэрнээс цаашгүй, хүүхдүүдийг хичээлээр дарсан хөтөлбөр хэмээн муулж амжсан юм. Харин хувийн цэцэрлэгийн тухайд хувьсах зардлыг нэмэх боломжгүй гэдгийг дуулгаад, цэцэрлэгийн хүүхдийн хоолны зардлыг зохицуулахдаа хүүхдийн тоог хасах, эсвэл эцэг, эхчүүдээр нь даалгахыг зөвлөсөн байна.

Ингэхдээ тэрбээр “Төсөв хүндрэлтэй байгаа учраас цэцэрлэгийн хүүхдийн хоолны асуудлыг аргал гэдгийг эндээс манай дарга нар хүртэл хэлж байна. Тэр хүүхэд гэртээ байсан ч, цэцэрлэгт байсан ч хоол иднэ. Тиймээс төсөв, мөнгө нь хүрэлцэхгүй байгаа бол эцэг, эхчүүдээс нь  ганц нэг бяруу тоншоод, хүүхдийнх нь хоолны асуудлыг шийдвэрлэ л дээ” хэмээн гудамжинд яваа хэн нэгэн шиг хариулт хэлсэн нь Засаг дарга нарыг хэлэх үггүй байдалд оруулжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Гарцгүй газраар зам гарвал 20 мянгаар торгохыг та дэмжиж байна уу?
  • Дэмжиж байна
  • Дэмжихгүй