Ханхүүгийн сүнсний зургийг авчээ
2017 оны 1 сарын 9

Ливерпүүл хотын жуулчин Мэри Райан Лондон хотын Тауэрт тохиолдлоор идэр насандаа бусдад хороогдсон Английн ханхүүгийн сүнсний зургийг буулган авчээ. Тауэр дотор үзвэр үзэж яваад Мэри үнэт чулуугаар чимэглэсэн гар бууг ихэд сонирхсон аж. Тэрбээр гайхалтай чамин зэвсгийн наана өөрийн охины гэрэл зургийг даржээ. Гэртээ очоод авсан гэрэл зургуудаа үзэж суутал охиных нь ард зогсох хүүгийн сүнсийг хараад тэрбээр ихэд гайхсан гэнэ шүү.

Мэри гэр бүлийнхээ хамтаар үзэгчдийн сүүлийг мушгиж явсан бөгөөд санаандгүйгээр зургаа даруулахаар хүн ойр хавьд нь байгаагүй гэдгийг итгэлтэйгээр өгүүлэв. Тэгээд ч тэр үзэгчдийн дунд тийм насны хүүхэд яваагүй аж. Райан ханхүү V Эдуардын сүнсний зургийг буулгаж авсан хэмээн үзэж байгаа юм. Тэр ханхүүгийн амь нас идэр байх үед нь учир битүүлгээр сүйдсэн билээ. Сүүлийн 500 гаруй жилийн туршид түүхчид түүнд чухам юу тохиолдсоныг олж мэдэхийг зорьж байгаа гэдэг.

1483 онд III Ричард хаан ширээнд суух ёслолын ажиллагааны өмнө өөрийн үеэл дүү болох ханхүү V Эдуард болон түүний дүү Йоркийн Ричард нарыг Тауэр руу илгээсэн байдаг. Үүний дараагаар ах, дүү ханхүү нарыг хэн ч дахиж хараагүй юм. Тэднийг хааны зарлигаар Цагаан цамхагт зүйл дуусгасан байж магадгүй гэсэн таамаглал байдаг билээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй