Биеэ үнэлэгчдийн төлбөрийг улс төлнө
2017 оны 1 сарын 10

Германы Бундестагийн (парламент) гишүүн Элизабет Шарфенберг (Elisabeth Scharfenberg) эмчийн магадлагаагаар бэлгийн харилцаанд орох шаардлагатай ч биеэ үнэлэгчдэд төлбөр мөнгийг нь төлөх санхүүгийн чадваргүй хүнд өвчтөн болон хөгжлийн бэрхшээлтэй иргэдэд улсаас мөнгөн тусламж үзүүлэх саналыг гаргажээ.

Голланд улс ийм замаар тухайн "эмзэг" асуудлыг шийддэг болоод хэдэн жилийн нүүрийг үзэж байгаа гэнэ. Тус улсад хүнд өвчтөн болон хөгжлийн бэрхшээлтэй иргэдэд үзүүлсэн секс үйлчилгээний төлбөрийг эмчилгээний зардалд тооцон улсын төсвөөс нь төлж барагдуулдаг байна.

2016 оны долоодугаар сард Бундестаг биеэ үнэлэлтийг зохицуулсан хуулийг баталсан билээ. Ингэснээр германы биеэ үнэлэгчид татвар болон тэтгэврийн санд татвар, хураамжаа төлдөг болж, насны эцэст тэтгэвэр, тэтгэмж авдаг болж байгаа юм. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Гарцгүй газраар зам гарвал 20 мянгаар торгохыг та дэмжиж байна уу?
  • Дэмжиж байна
  • Дэмжихгүй