Автомашины үзлэг, оношилгооны төлбөр 2 дахин нэмэгдэв
2017 оны 1 сарын 10

Өчигдрөөс эхлэн тээврийн хэрэгслийн үзлэг оношилгоо, татвар хураалт эхэлсэн. Авто тээврийн тухай хуулиар нийтийн тээврийн үйлчилгээнийхээс бусад тээврийн хэрэгсэл жилд нэг удаа үзлэг оношилгоонд орсон байх шаардлагатай тухай тусгасан байдаг.

Тэгвэл өнгөрсөн оны арванхоёрдугаар сарын 28-нд “Автотээврийн хэрэгслийг техникийн хяналтын үзлэгт оруулах давтамж, оношилгооны төлбөрийн хэмжээг шинэчлэн батлах тухай” Засгийн газрын тогтоол гарсан. Уг тогтоолоор суудлын автомашины улсын үзлэгийн төлбөр НӨАТ-тай үнэ нь 22 мянган төгрөг болж нэмэгдсэн байна. Өмнө нь суудлын автомашины оношлогооны төлбөр 11 мянган төгрөг байсан.

Мөн техникийн үзлэг хяналтад оруулаагүй авто машиныг замын хөдөлгөөнд оролцуулахгүй аж. Иргэн шинэ машин худалдан авсан бол хоёр жилийн хугацаанд техникийн хяналтын үзлэгт оруулахгүйгээр зөвхөн автотээврийн хэрэгслийн тооллогод хамруулж байхаар заасан байна.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Ерөнхийлөгч Ц.Элбэгдоржийг хугацаанаас нь өмнө огцруулахыг та дэмжиж байна уу?
  • Дэмжиж байна
  • Дэмжихгүй
  • Мэдэхгүй