Агаарын бохирдол гамшиг болсныг хүлээн зөвшөөрөв
2017 оны 1 сарын 10

Үндэсний аюулгүй байдлын зөвлөл өнөө өглөө Төрийн ордонд өргөтгөсөн хуралдаан хийж, агаарын бохирдлын асуудлыг хэлэлцсэн. Ингээд Улаанбаатар хотын агаарын бохирдол гамшгийн хэмжээнд хүрснийг хүлээн зөвшөөрсөн байна. Өргөтгөсөн хуралдаанд Ерөнхийлөгч, Ерөнхий сайд, УИХ-ын дарга, Улаанбаатар хотын удирдлагууд, УИХ-ын байнгын хороодын дарга нар, Утааны эсрэг ээж, аавуудын холбооны төлөөлөл оролцжээ.

Одоогийн байдлаар агаарын чанарын индекс 24 цагийн турш улаан шугам даваагүй учраас Улаанбаатар хотын агаарын бохирдол гамшгийн хэмжээнд хүрээгүй хэмээн үзэж байгаа юм. 2015 оны Засгийн газрын тогтоолоор 24 цаг давсан бол гамшиг гэж үзнэ гэж заасны дагуу гамшгийн хэмжээнд хүрч онц байдал зарлах боломжгүй байгаа аж. Тэгвэл Үндэсний аюулгүй байдлын зөвлөл агаарын бохирдлыг гамшгийн хэмжээнд байна хэмээн хүлээн зөвшөөрсөн тул одоо хууль эрхзүйн орчинг зохицуулах шаардлагатай болно. Тиймээс УИХ-ын ээлжит бус хурлыг зарлах талаар хуралдааны үеэр ярьсан болохыг хуралдаанд оролцсон Утааны эсрэг ээж, аавуудын холбооны төлөөлөл Б.Бундхорол хэллээ.

Ерөнхийлөгч Ц.Элбэгдорж Үндэсний аюулгүй байдлын зөвлөлөөс гаргасан зөвлөмж гаргах төслийг танилцуулсан бол Ерөнхий сайд энэ онд авч хэрэгжүүлэх арга хэмжээ болон 2020, 2030 он гэхэд хэрэгжүүлэх ажил, үр дүнгийн талаар танилцуулсан байна. Харин хотын даргын өчигдөр танилцуулсан 2018 оны нэгдүгээр сарын 1-ний өдөр хүртэл шилжилт хөдөлгөөнийг хориглох тухай хотын даргын захирамжийг Үндэсний аюулгүй байдлын зөвлөл дэмжсэн байна. Ерөнхийлөгч Ц.Элбэгдорж өнөөдрийн хуралдаанд эрс шинэчлэл хийх алхмуудыг танилцуулсан бол тэрбээр маргааш агаарын бохирдлын асуудлаар сэтгүүлчдэд мэдээлэл хийхээр болжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Та Ардчиллын анхдагчдад байр олгож, сар бүр 100-200 мянган төгрөг өгч, сувилалд амруулж байх хуулийн төслийг дэмжиж байна уу?
  • Дэмжиж байна
  • Дэмжихгүй
  • Сувилалд амруулахыг дэмжиж байна
  • Зөвхөн мөнгөн тусламжийг дэмжиж байна
  • Зөвхөн байр олгоход хангалттай
  • Хэнд олгохоос нь хамаарна