Кэти Перри сүмд амьдарна
2017 оны 3 сарын 20


Лос-Анжелес хотын Дээд шүүх дуучин Кэти Перригийн талд шийдвэрээ гаргажээ. Дуучин бүсгүй гэлэнмаа эмэгтэйчүүдтэй шүүхдэлцсэн юм. Одоогоор үйл ажиллагаа явуулахгүй байгаа католик сүм хийдийн байшингийн хувь заяаг уг хурлаар шийдвэрлэжээ. Сүсэгтнүүд Перригийн уг сүм хийдийг орон сууц болгох гэсэн төлөвлөгөөний эсрэг байв. Поп дуучин бүсгүй гэлэнмаануудтай хоёр жилийн туршид шүүхдэлцсэн аж. Тэрбээр Лос-Анжелес хотын хамба ламтан Хосе Гомест тус хийдийн барилга оршдог газрыг худалдахыг санал болгожээ. Гэрээний үнийн дүн 14,5 сая доллар болсон гэдэг. 

Тэгтэл уг сүмд таван гэлэнмаа амьдарч байсан гэнэ. Тэд Перриг тохиромжгүй эзэн гэж үзээд сүмийн барилгыг бизнес эрхлэгч хатагтай Дана Холлистерт худалдахыг оролджээ. Харин шүүх гэлэнмаанууд уг хөрөнгийг Холлистерт худалдах эрхгүй байсан гэсэн шийдвэрийг гаргасан байна. Шүүх хуралдаан болохоос долоо хоногийн өмнө гэлэнмаа нар Кэти Перриг хар дом хийсэн хэмээн буруутгажээ. Дуучин эмэгтэй 2014 онд Америкийн Салем хотод нэгэн өвөрмөц үдэшлэгт очсон явдал ингэж сэрдэх шалтгаан болсон аж. Уг хот шулмууд амьдардаг гэсэн домог яриагаараа алдартай билээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Монголд нефть боловсруулах үйлдвэр байгуулах хэрэгтэй юу?
  • Хэрэгтэй
  • Хэрэггүй
  • Мэдэхгүй