Сонгодог өгүүллэгийн орчуулгын уралдааны хугацааг сунгалаа
2017 оны 3 сарын 24
Уралдааны зорилго
Монголын Орчуулагчдын Эвлэл үүсэн байгуулагдсаны 28 жилийн ойг тохиолдуулан утга зохиолын орчуулгыг шинэ түвшинд гаргах, орчуулагчдын ирээдүй хойч залуу үеийг бэлтгэх, тэдний авьяас чадварыг нээн хөгжүүлэх, орчуулгын бүтээлийг цаашид бүх талаар хөхиүлэн дэмжихэд уралдааны зорилго чиглэнэ.

Уралдаанд утга зохиолын орчуулга хийх хүсэл тэмүүлэл, авьяас сонирхол, мэдлэг чадвартай 18-45 хүртэлх насны залуус оролцох боломжтой. Оролцогчид дэлхийн утга зохиолын сор болсон үргэлжилсэн үгийн бүтээлүүдээс эх хэлнээ орчуулан оролцоно. Уралдаанд хэдэн ч бүтээлээр оролцож болохоос гадна урьд өмнө монгол хэлнээ орчуулагдаагүй зохиол байх шаардлага тавигдана. 

Уралдааны шалгаруулалт
Нэгдүгээр байр- 1. Өргөмжлөл, 500.000 төгрөг 
Хоёрдугаар байр- 1. Өргөмжлөл, 300.000 төгрөг 
Гуравдугаар байр- 1. Өргөмжлөл, 200.000 төгрөг
Тусгай шагнал- 3. Өргөмжлөл, 50.000 төгрөг, сонгодог зохиолын дээжис 

Уралдааны шалгаруулалтыг мэргэжлийн комисс явуулж, 2017 оны 08 сарын 01-ний дотор нийтэд зарлана. Уралдааны дүнг МОЭ-ийн мэдээллийн түнш Монголын Сайтын Холбооны гишүүн сайтаар мэдээлж, шалгарсан бүтээлүүдээр “Сонгодог өгүүллэгийн дээжис-4” номыг эрхлэн гаргаж уншигч олны хүртээл болгоно. 

Бүтээл хүлээн авах хугацаа
Хөрвүүлсэн бүтээлийг 2017 оны 03 сарын 25-наас 2017 оны 06 сарын 25-ны өдөр хүртэлх хугацаанд МОЭ-ийн байр, мөн mongol.translators@gmail.com цахим хаягаар хүлээж авна. Харилцах утас: 9477-7950, 9999-7950

Жич: Хөрвүүлсэн өгүүллэгийнхээ дор орчуулагч өөрийн овог, нэр, регистрийн дугаар болон холбоо барих утасны дугаараа бичнэ үү. 
Мөн орчуулагчдад өгүүллэгээ сонгоход дөхөм байх болов уу гэж үзээд "Сонгодог өгүүллэгийн дээжис 1, 2, 3" номонд багтсан өгүүллэгүүдийн жагсаалтыг орууллаа. 

Монголын Орчуулагчдын Эвлэл

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Санал асуулга
Гарцгүй газраар зам гарвал 20 мянгаар торгохыг та дэмжиж байна уу?
  • Дэмжиж байна
  • Дэмжихгүй