Трамп: Өргүй болгох сувиллын хоол ид!
2017 оны 5 сарын 8
Таны бие чинь галбираа алдсан бол сувиллын хоол ид. Санхүүгийн дарамттай тэмцэхдээ мөн чингэх хэрэгтэй. Өрнөөс салахын тулд сувиллын хоол идэх хэрэгтэй. Өөхөө гээж, булчингаа чангалаад зогсохгүй энэ бүхнийг эхэлмэгц та гайхалтай их сонирхох болно.
Би өртэй тэмцэх хоёр дадалтай болсон, тэдгээрийг та бүхэнтэй хуваалцахыг хүсч байна. Эдгээр зарчмыг санхүүгийн өдөр тутмын шинэ журмандаа нэвтрүүл, тэгвэл та ч гэсэн өрнөөсөө сална.

ДАДАЛ 1. ЗЭЭЛДҮҮЛЭГЧИЙН БОЛЗЛООР ЗЭЭЛ ХЭЗЭЭ Ч БҮҮ АШИГЛА
Хэрэв сар бүр бүх үлдэгдлийг төлж чадахгүй бол зээлийн картыг хэзээ ч бүү ашигла. Намайг доош татах улам их өр хуримтлуулах, эсвэл мөрөөдлөө биелүүлэхэд минь туслах санхүүгийн эрх чөлөөгөө нэмэгдүүлэх хоёрын аль нь миний амьдралд чухал вэ? гэж өөрөөсөө асуу.

Хэрэв та үнэхээр баяжихаар шийдсэн, гэхдээ зээлийн картыг хамгийн мэргэн аргаар ашиглах (өөрөөр хэлбэл, бүх үлдэгдлийг сар бүр төлж байх) сахилгын хувьд хангалтгүй бол жинхэнэ яаралтай хэрэгцээ гарсан тохиолдолд хэрэглэхээр шүүгээний доод нүдэнд нуусан хүүгүй цорын ганц зээлийн картаас бусдыг урж тасдан хол хая.
Дараа нь бүхнийг бэлнээр төл. Би тодорхой цаасан мөнгөний тухай, жишээлэхэд удаа дараа үйлчлүүлдэг нислэгийн тухай яриагүй байна, энэ тохиолдолд та шагналын нэмэлт бүх оноогоо алдах болно. Би жинхэнэ бэлэн мөнгөөр ховорхон төлбөр хийдэг, үүний оронд би түүний орчин үеийн хувилбар буюу American Express картыг хэрэглэж, түүнийхээ төлбөрийг сар бүр бүрэн хийхийн зэрэгцээ худалдагч гэнэт American Express-ийг хүлээж авахгүй бол хүүгүй Visa картыг хэрэглэдэг юм. Би сар бүр Visa картынхаа төлбөрийг ч бүрэн хийдэг. Энэ хоёр карт миний зардлын жагсаалтыг зүйл зүйлээр нь танилцуулж татварын үүднээс зардлаа ажиглан хянаж байхад ашигтай байдаг нь тэдгээрийн давуу тал юм.

Би зээлийн картаа мөнгө зарцуулах тохиромжтой арга гэж үздэгээс биш надад байхгүй мөнгийг үрэх зээлийн эх үүсвэр гэж үздэггүй гэж хэлдэг, үүнийгээ ч дахин давтсаар байх болно. Та өрөнд баригдсан боловч зээлийн картаа устгахыг хүсэхгүй байгаа бол санхүүгийн сүйрэл өөд эргэлт буцалтгүй тэмүүлж байна даа гэж гунигтайгаар мэдэгдэх байна. Энэ бүх хүрээг эвд. Бүх зээлийн картаа цуглуулаад өмнөө өрөөд тавчих. Картууд таныг өөртөө татна, гэвч тэдгээрийн гялалзсан өнгийг бүү анхаарч үз. Үүний оронд тэдгээрийн улам нэмэгдэж байгаа өр, эцэс төгсгөлгүй сар бүрийн төлбөр, өрийн дарамт гэх мэт асуудлыг эргэн сана. Картуудыг шатаа. Би үнэнээсээ хэлж байна. Номоо орхиж, эдгээр картыг одоохон хайчил. Хайч аваад өргүй амьдрал өөд анхны алхам хий. Намайг анхааралтай сонс. Хэрэв зээлийн картуудаас болж байнга өрийн дарамтад орж, чингэхдээ тэдгээрийг хайчилж хаяагүй бол та бамбалзсан хөрсөн дээр зогсч байна шүү! Дурдсан мэдлэгийг эзэмшиж туслуулахын тулд өөртөө туслахыг та өөрөө хүсэх ёстой.

Хэрэв энэ алхамыг хийх чадваргүй бол тусламж авахыг танд би уриалж байна. Танд дөхөмтэй арилцааны бус зөвлөгөө өгөх агентлагуудын нэгтэй шууд холбоо барь, эсвэл утсаар ярь. Өр тэгшитгэх, зээлийн зөвлөгөө өгөх агентлагуудын хаяг, холбоо барих утсыг интернэт болон орон нутгийн телефон утасны лавлахаас үз. Арилжааны бус байгууллагатай хамтран ажиллах гэж байгаадаа итгэж байж сонголтоо хий. Зээлийн зөвлөгөө өгөх газрууд сүүлийн хэдэн жилийн дотор зүй ёсоор нэр муутай болсон. Зарим агентлаг арилжааны бус гэдэг статусын ард нуугдаж байдаг, үнэн хэрэг дээрээ энэ бол өрөнд суутгал авах албанаас өөрцгүй зээлийн карт гаргагч компаниудын халхавч юм. Бусад нь болохоор том урамшуулал шаардах авч таны хийж чадахгүй зүйлээс бүтээж өгч байгаа нь бага байдаг. Харамсалтай нь надад чин сэтгэлээсээ зөвлөмж болгочихмоор америк компани байхгүй, гэхдээ холбоо тогтоож бүрэн болох хувийн агентлаг бий. Танд үнэхээр туслах хүмүүс ч бий.

Өрийг багасгах, хүүг бууруулах, зарим тохиолдолд өрийг цайруулах тухай тохиролцож болно, гэхдээ та дампуурлын хуулийн дагуу өрийн үлэмж хэсгийг ялгаагүй төлөх болно гэдгийг санаж бай.

Хэрэв та энэ мөчөөс эхлэн зээлийн карт ашиглах сахилгаа сайжруулахаар эрс шийдсэн бол, зөвхөн эрс шийдвэл хуучин картаа (картуудаа) хүчингүй болгож, үлдэгдлийг эхлэлийн бага хүү, эсвэл эхний жилд элсэлтийн хүү авахгүй байхыг санал болгогч шинэ картад шилжүүлэх тухай бодно уу. Ингэснээр та хүүгийн төлбөрийг мэдэгдэхүйц багасгаж чадна, энэ нь та үлдэгдлийг түргэн барагдуулахад илүү их мөнгө гаргаж чадна гэсэн үг. Бичгээр заавал лавлагаа явуулж, шинэ зээлдүүлэгч аливаа балансын шилжүүлгийг мөнгөн зээллэг гэж үзэхгүй, ингэснээр хүү илүү их хурдтайгаар нэмэгдэхгүй гэдэгт итгэж үнэмш.

Дараа нь хүүг судлаад зээлийн картуудаар тоглож эхэл. Үйлчлүүлж байгаа компани руугаа утасдаж, өөрийнхөө тавьсан шинэ саналын дагуу болзолыг өөрчилж өгөхийг хүс, эсвэл өөр компанид шилжинэ гэдгээ хэл. Хэрэв шилжвэл эхлээд хуучин данснуудаа устга. Үлдэгдлээ шилжүүлж, хуучин картуудаа устган, дансаа хүчингүй болгосноо бичгээр мэдэгд. Энэ бүхнийг хийхээсээ өмнө шинэ карт бүү захиал. Энэ алхамыг хийхгүй бол та гар дээрээ олон карттай болж, улам их өрөнд орж, улам олон асуудалд орно. 

Үлдэгдлийг шилжүүлэх нь төлж буй хүүгийн хэмжээг багасгаж, таны өр барагдуулалтыг түргэсгэнэ. Төлбөрийн хэмжээг багасгаж, барагдуулах хугацааг сунгана гэсэн амлалтыг зөвшөөрснөөр шинэ өр тавьж, хуучин өрөө дахин санхүүжүүлэх урхинд бүү ор. Төлбөрийг жигд хий. Тэгвэл үндсэн өр барагдуулахад илүү их мөнгө зориулагдаж, өр төлөх хугацаа богиносно.

 Өөрийгөө дотоодын дахин санхүүжилт юм уу хоёр дахь барьцаанд шилжүүлэх нь бас явдалтай зүйл байдаг. Энэ бол таны амьдралыг бодолгүй өөрсдөө баяждаг зээлдүүлэгчдийн сэдэж олсон аймаар урхи юм. Тэдний тоглоомд бүү оролц. Тоглоомын мөн чанар нь баланс шилжүүлээд зөвхөн рекламдсан хугацаанд л доод хэмжээний төлбөр хийлгээд дараа нь хүүгийн хэмжээг нэмэгдүүлж, таныг зургаан сарын юм уу жилийн өмнө байсан байранд нь тавихад оршино. Бага хүүг аль болох их үлдэгдэлтэй байх бололцооны хувиар ашиглах нь ухаантай шийдвэр болно.

ДАДАЛ 2: ӨР БАРАГДУУЛАХ ӨӨРИЙН ТӨЛӨВЛӨГӨӨГ ЗОХИО
Өрнөөс салгах хоёр дахь түлхүүр бол өр барагдуулах сайн төлөвлөгөө зохиох явдал юм. Бид тийм төлөвлөгөөний тухай тавдугаар бүлэгт дурдсан. Тийм төлөвлөгөө ямар байдаг вэ гэвэл: та нийт орлогынхоо 10 хувийг зээлийн картын доод хэмжээний төлбөрт төсөвлөнө. Хэрэв таны сарын нийт орлого 3000 доллар, доод хэмжээний төлбөр 1200 доллар бол өр барагдуулахад сард 1500 доллар төлж эхэлнэ. Энэ 10 хувийг өөрийн өр болгоныхоо төлбөр дээр нэмэхгүй, харин чадах хэмжээний мөнгөө бүхнээс түргэн барагдуулж чадах өрөнд зориулна. Ингэснээр асар удалгүй үр дүнгээ үзэхэд чинь туслаж, таныг урагш хөдлөхөд зайлшгүй хэрэгтэй хурдацтай болгоно. Нийт орлогынхоо 10 хувийг энэ зорилгод зарцуулахаар төлөвлө. Энэ нь зарим хүний хувьд хэтэрхий их мөнгө байж болно, тэгвэл чадах хэмжээний мөнгөнөөс эхэл. Юмны учир эхлэхэд бэлэн байна. 

Одоо санхүүгийн эрх чөлөө тийш таван алхамыг дараалан хийцгээе.
1. Өрийнхөө бүтцийг гарга. Зээл болон төлбөрийн карт, зээл, барьцаа, бусад аливаа өрийг оролцуулан бүх өрөө нэг бүлэгт оруул.
2. Өрөө дансал. Өөрийн бүх өрийг тусгай хуудас цаасан дээр жагсаан бич. Энэ мэдээлэл өр барагдуулах төлөвлөгөөгөө тооцоолон зохиоход хэрэг болно. Өрийн нэр, төлбөрийн нийт баланс, сар бүрийн төлбөрийг заан бич. Энэ мэдээлэл танд дараачийн алхам хийхэд хэрэг болно. Цааш үргэлжлүүлэхийн өмнө зоригжуулах үг хэлэхийг зөвшөөрнө үү. Өрийнхөө бүх тоо баримтыг эргэцүүлэн бодоод бухимдаж болно. Гэхдээ цөхөрсний хэрэггүй, өнөөдөр та өрийнхөө асуудлыг шийдвэрлэх гэж ямар нэг юм хийж байна шүү дээ. Та өрнөөс эгнэгт салах төлөвлөгөө зохиож байна. Та санхүүгийн ирээдүйгээ бүр өнөөдөр хяналтдаа авч байна.
3. Барагдуулах цар хэмжээ, эн тэргүүнд барагдуулах зүйлийг тодорхойл. Одоо та хамгийн түрүүн ямар өр төлөхөө шийдэх хэрэгтэй, энэ бол санхүүгийн стратеги боловруулах нэг хэсэг мөн. Алхам алхамаар явахгүй бол таны өр байрнаасаа хөдлөхгүй байх магадлал маш их. Төлбөрийн коффициентын шаталбар гэж миний нэрлэдэг зүйлийг үндэслэн өрөө төлөхийг зөвлөмж болгож байна. Энэ юу болохыг дараачийн алхамаар тайлбарлана.

Дараах энгийн алхамыг дагана уу.
1. Өрөө төл. Түрүүлж төлөх хамгийн өндөр үзүүлэлттэй өрнөөс эхэл. Нийт орлогынхоо 10 хувийг энэ өрийн төлбөрт нэм, тэгснээр шинэ, илүү өндөр төлбөр хий. Үүний зэрэгцээ дараах хоёр үйлдлийг нэгэн зэрэг явуулах хэрэгтэй: бусад өр барагдуулахад доод хэмжээний төлбөрийг үргэлжлүүлэн хийж, аливаа нэмэлт өртэй болохоос зайлсхий. Ийнхүү бүх өрөө төлж (орон сууц, машины зээл бас орно) түүнээс бүрэн сал.

2. Өрөнд өгдөг байсан мөнгөөрөө хөрөнгө оруулалт хий. Бүх өрөө төлж дуусмагц урьд өмнө өр төлөхөд зориулдаг байсан мөнгөө хөрөнгө оруулалтад ашигла. Чухам ингэх нь л зөв зүйтэй. Ямар нэг байдлаар мөнгө алдагдсан (эсвэл зөрцуулсан) учир таны мөнгө үнэхээр хүрэлцэхгүй байгаа. Тэгэхлээр мөнгийг өөрийнхөө тусын тулд зарцуулагддаг болго. Санхүүгийн эрх чөлөө тийш шинэ алхам үргэлжлүүлэхэд энэ алхам туйлын чухал. Өр төлөхөөс суларсан мөнгийг бүү үр, харин санхүүгийн бие даасан байдалтай болохдоо ашигла.

Нийт орлогынхоо 10 хувийг нэмж гарган, бусад өрөө төлснөөр та суларсан бүх мөнгийг хөрөнгө оруулалтад хэрэглэхээр өөрийн мэдэлд авна. Энэ нь өөрийн чинь төсөөлж байснаас түргэн хугацаанд баян болгоно. Та бүх өрөө төл, дахиад бүү өр тавь. Нэг өрнөөс нөгөө өр рүү мөнгө гуйвуулахаа үргэлжлүүлж, өр бүрийг явуут дундаа төл. Ингэснээр та өрнөөс бүрэн салах хурдацаа нэмэгдүүлэх болно.

Мөнгөө зүгээр л үрэн таран хийж байхын оронд түүнийг та өөртөө болон ойр дотныхондоо санхүүгийн сайн сайхан ирээдүй хангаж өгөхөд ашиглах боллоо. Шинэ өр (хөрөнгө оруулалтын бус) тавьж өрийн гинжинд дахин орох хэрэггүй, үүнийг давтан хэлье. Мөнгөө өөрийнхөө тусын тулд зарцуулдаг бай.

Стэн, Барбара хоёрын өрнөөс салсан түүх
Нэг гэр бүлийн Стэн, Барбара хоёрын өрнөөс салж чадсан түүхийг авч үзье. Тэдний түүх бол өөртөө хяналт тавьж сурахын маш сайхан жишээ болно, та ч гэсэн өөртөө хяналт тавьдаг болж чадна. 
Бага насны хёр хүүхэдтэй, дөчин настай энэ эр, эм хоёр боломжийн буюу жилдээ 70 мянга шахам нийт орлоготой байжээ. Гэвч өрөнд баригдаж, өрөө төлөх гэж сар тутам цөхөртлөө тэмцэж иржээ. Хамгийн муу нь гэвэл тэд хүүхдүүдийнхээ боловсролын төлбөрийг яаж төлөх, нас хөгширсөн хойно яаж амьдрах талаар ямар ч төлөвлөгөөгүй байв. Намайг санхүүгийн төлөвлөлтийн зөвлөхөөр ажиллаж байхад тэр хоёр надад хандсан юм. Тэд бүр цөхөрсөн байлаа. Тэдний хандсан бүх зөвлөх дампуурлаа зарла гэж нэгэн дуугаар хэлж байжээ.

Бусад олон хэрэглэгчийн нэг адил тэд сар бүр орлогынхоо ихэнхийг өр төлөхөд өгдөг байв. Тэдэнд хэрэглээний 14 600 долларын өр хуримтлагдсан байсан бөгөөд тэд сарын доод хэмжээний татварт 790 доллар төлж байлаа. Түүгээр ч барахгүй тэд хоёр авто машины 15 мянга, хоёр барьцааны 120 мянган долларын өртэй, эдгээрийн эхнийхэд сар бүр 565, хоёр дахид 1320 доллар төлөх ёстой. Тэд сардаа 2675 доллар өрөнд төлнө. Стэн, Барбара хоёрын санхүүгийн байдал үнэхээр баргар байлаа. Тэд чихээ хүртэл өрөнд шигдэн хоосорчээ. Тэр хоёр хожмоо хүнд хэцүү цагт хэрэглэхээр хадгалсан мөнгөгүй, дээр нь хүнсний мухлагт зээлийн картаар тооцоо хийх хүртэл тийм хяналтгүй мөнгөө зарцуулдаг байв. Хэрэв тэд үнэхээр хүнд байдал тохиолдвол ноцтой зовлонд унахаар байлаа. Сар бүрийн энэ “хөнгөн” төлбөр тэднийг буланд шахаж, 2675 доллар өрөнд төлөхөд тэдэнд үнэхээр мөнгө хүрэлцэхгүй байв.

Тэр хоёр хяналтгүй хэрэглэдэг зуршлаа зохих ёсоор барьж сураагүй учир эдгээр 2675 доллар сар бүр эргэлт буцалтгүй алга болж байсан нь бүр ч тааруухан хэрэг байлаа. Ийм юманд буурьтай хандаарай, учир нь энэ бол өрийн урхинд орох гэж байгаагийн үнэхээр аюултай шинж, энэ урхинд орсон олонхи хүн хуучин өрөө төлөөгүй байж шинээр юм худалдан авсаар байдаг. Та миний хөтөлбөрийг дагавал бүх өрөө төлөх бөгөөд түрүүчийн өрний оронд шинэ өр тавихгүй. Та нэг өрнөөс нөгөө өрөнд мөнгө шилжүүлэн өр бүрийг ээлж дараалан төлж, ингэснээрээ өрнөөс бүрэн салтлаа өр төлөх хурдацаа нэмэгдүүлж байх болно. Дараа нь бид санхүүгийн эрх чөлөөтэй болохын тулд бүх мөнгөө хөрөнгө оруулалтын автоматжуулсан төлөвлөгөөнд (ХОАТ) шилжүүлэх болно.

Стэн, Барбара хоёр мөнгөө хэрхэн үрж байгааг би ойлгоод яавал миний төлөвлөгөө тэдэнд ашигтай болохыг зааж өгсөн юм. Тэд зардлаа хяналтдаа авч чадлаа. Үүний дараа тэд зардлаа багасгахаар шийдэж, бас сар бүрийн доод хэмжээний төлбөр дээр нэмж 10 хувийг гарган (268 доллар) өр төлбөрийн төлөвлөгөөнд оруулахыг зөвшөөрөв. Эхлэл тавих нь л чухал.

Стэн, Барбара хоёр өрийн анхны төлбөр 2675 доллар дээрээ 10 хувийг (268 доллар) нэмж, нийт мөнгө 2943 долларыг ХОАТ-нд оруулах болжээ. Ингэснээр Стэн, Барбара хоёр бүх өрөө төлж, том саятны замд орж болно. Тав хүрэхгүй жилийн дараа тэдний бүх өр барагдахад эдгээр мөнгийг ХОАТ-нд эргүүлэн шилжүүлж байх болно. Тэр хоёрыг тайван амрахад бэлэн болох үеэр энэ арвин ХОАТ хэдэн сая доллар хүртлээ өссөн байх болно.
Ийм л хялбархан. Гэхдээ энэ бол биелдэг, хүчирхэг систем юм. Миний хөтөлбөр Стэн, Барбара хоёрт, миний олон мянган шавь нарт тусласан, танд ч туслаж чадна. Эдгээр алхамыг дага, тэгвэл та ч гэсэн өрнөөс салж, өөртөө төсөөлж байснаас түргэн баян болно.

Стэн, Барбара хоёрын санхүүгийн шинэ ирээдүй
Энэ гэр бүл өр төлөх миний төлөвлөгөөг дагаснаар орон сууц, автомашины зээлийг оролцуулан бүх өрнөсөө барагцаалбал таван жилийн дараа бүрэн сална. Өрөнд төлдөг мөнгөө суллаж, түүнийгээ хөрөнгө оруулалтын автоматжуулсан программд байрлуулснаар тэд 65 насандаа саятан болох болно.

Яаж ингэх вэ? Тэд автомашины төлбөрөөс эхэлж, үүнд сар тутам 300 доллар гаргаж, бас тухайн үедээ чадах бүхнээ (268 доллар) энэ дансанд нэмнэ. Тэд сар бүр 568 доллар төлснөөр хоёр дахь авто машины өрийн үлдэгдлийг зургаан сар хүрэхгүй хугацаанд төлж чадна.

Одоо тэд энэ 568 долларыг авч дараачийн хамгийн чухал өрийн төлбөрт нэмэрлэнэ. Энэ бүх 10 хувийг та өрнөөс салтлаа ашиглах нь туйлын чухал болохыг ойлговол зохино. Өрнөөс салах миний төлөвлөгөө ёсоор та дахин ямар нэг юм худалдан авалгүйгээр өр төлөх энэ журмыг үргэлжүүлэх хэрэгтэй. Та бүх өрийг дарж дуустал бусад өрөө барагдуулахад бодлоготойгоор мөнгө гаргасаар байх ёстой.

Стэн, Барбара хоёрын дараачийн хамгийн чухал зүйл бол зээлийн Visa картын өр байв. Дурдаж буй төлөвлөгөөний үр ашигтай чанар танд гайхам сэтгэгдэл төрүүлэх ёстой. Юу гэвэл, эхнэр нөхөр хоёр бүх 568 доллараа авч, түүнийгээ Visa картын өрийн сар бүрийн төлбөр 300 доллар дээр нэмсэн байна. Visa картын өр төлөхөд зарцуулахаар тэдний мэдэлд байсан нийт 868 доллар бүхий тэдний 3600 долларын өрийг барагцаалвал дөрвөн сарын дотор төлжээ. Миний төлөвлөгөөг хэрэглэснээр тэд хэд хэдэн жилийн хугацааны оронд 10 сарын дотор хоёр дахь авто машины зээлээ төлж, Visa картын өрөө барагдуулж чадна. 

Дараа нь тэд их дэлгүүрт данс нээлгэсний зээлийг (675 доллар) нэг сарын дотор төлжээ. Тэд 263 долларын үлдэгдэлтэй гарч, түүнийгээ банкны зээлийн Visa картын өр төлөхөд шилжүүлсэн байна. Санааг та ойлгосон байх гэж бодож байна. Бид өрийг дараалан төлсөөр бүх өрийг барагдуулж дуусав. 21 сарын дараа эхнэр, нөхөр хоёр хэрэглээний бүх өр болон автомашины зээлээ төлж дуусган, дараа нь бүх мөнгөө орон сууцны зээлийг дөрвөн жилийн дараа төлж дуусахад зориулна.

Эдгээр чамгүй том тоонуудыг нэмээд үз. Өрөнд баригдаж гүйцсэн энэ гэр бүл түүнээс таван жил хагасын хугацаанд бүрэн салжээ. Гэхдээ илүү сайн сайхан юм тэдний өмнө байна. Стэн, Барбара хоёр одоо жилдээ хөрөнгө оруулалтад зарцуулж байх 2943 доллартай (эхлээд заавал хийж байх нийт 2675 долларын төлбөр дээр нэмэх нь өр төлж дууссаны дараа суларсан 268 доллар).

Урьд өмнө зээлдүүлэгчдэд сар бүр төлдөг байсан мөнгө одоо тэр хоёрын гар дээр ирсэн, түүнийгээ үрэн таран хийж, улам их хог авахын оронд одоо хөрөнгө оруулалт хийж байгаа. Эдгээр мөнгө элдвийн зорилго, эрмэлзлийн үүднээс алга болж байсныг санаж үзнэ үү.

Тэр бол тэдний мөнгө биш байсан. Тэр хоёр мөнгийг өгчихдөг байв. Тэр хоёрт тэр мөнгө хүртээлгүй юм. Уг мөнгө тэднийх биш байв. Тэд тэрхүү мөнгийг шийдвэртэй буцааж авахаар ажиллаж, одоо түүнийгээ өөрсдийн санхүүгийн тогтвортой байдлын тусын тулд хэрэглэж байна. Тэр 2943 долларыг дараачийн 20 жилийн турш сар бүр ХОАТ-ний санд оруулаад байвал тэдний мөнгө 65 нас хүрэхэд нь 2,2 сая доллар болтол өссөн байх болно. Стэн, Барбара хоёр өрнөөс салаад зогсохгүй саятан болно.
Бодоод үз. Үнэндээ баяжина гэдэг тийм хялбархан байдаг нь гайхалтай хэрэг биш гэж үү?

ТАНЫ ӨРНӨӨС САЛАХ ӨДӨР
Өрнөөс бүрэн салахад танд хичнээн хугацаа шаардлагатай байгааг тодорхойлохын тулд бүх өрөө нийлүүлж үзээд төлбөр хэдий хэмжээгээр хийж байхаа тооцоол. Энэ нь сайндаа таны нийт орлогын 10 хувьтай тэнцэж байх ёстой. Хэрэв та төдий хэмжээний мөнгө гаргаж чадахгүй бол чадах хэмжээгээрээ гарга, гэхдээ ямар нэг хэмжээнээс эхлээрэй! Дараа нь өрнөөс бүрэн салахад хичнээн жил шаардлагатайг тодорхойл. Ийм стратеги хэрэглэснээр олонхи гэр бүл орон сууц, машины зээлийг оролцуулан бүх өрөө гурваас долоон жилийн хугацаанд бүрэн барагдуулж чадна. Өрнөөс салах миний төлөвлөгөө хялбар бөгөөд бодитой юм. Энэ төлөвлөгөө хэдэн мянган хүнд тохирсон бөгөөд танд ч бас тохирохыг би мэдэж байна.

Бас хэд хэдэн чухал санаа байна. Ямар төлбөр хамгийн өндөр хүүтэй байх талаар одоохондоо санаа бүү зов. Энэ төлөвлөгөө өр төлөлтийг маш их хурдасгах учир таны хамгийн өндөр төлбөр хийсэн тэр хэдэн сар онцгой учир холбогдолгүй байх болно. Та бүхний олонхи нь энд тодорхойлсон журмыг баримтлан өрөө төлж чадна. Миний мэдэж буйгаар та нарын олонхи нь хийж байгаа төлбөрийнхөө хэмжээг багасгах боломжгүй, гэхдээ та дээр тодорхойлсончлон хүүгийн хэмжээг багасгаж чадах бол багасгаарай. Дараа нь төлбөрийн коффициентийг зүгээр л шинээр тооцоолоод өр барагдуулах шинэ зохистой хэмжээг тодорхойл. Хэрэв шаардлагатай бол түүнд засвар оруул.

Энэ үйл явцад хөдөлгөөн нэн чухал байдаг: өр хэрхэн бүрэн барагдаж байгааг харахад танд урагшлан явахад хавьгүй хөнгөн хялбар болно. Танд урам зориг орж, юм хийчихлээ гэсэн мэдрэмж төрнө.
Хэрэв та одоогийн байдлаар их өртэй байгаа бол олонхи тохиолдолд илүү бага хүү төлж чадахгүй, ийм учраас чадвал тэр өндөр хүүтэй өрийн үлдэгдлээ шилжүүл, эсвэл хэрэглээний бага хэмжээний өрөө бага хүүтэй хувийн зээллэг авсанаар дахин санхүүжүүл.

Дахиад зээл авахгүй ч одоо төлж байгаа хүүгээ бууруулах, барагдуулах нь таны зорилго гэдгийг сана. Хэрэв та бага хүүтэй шинэ карт авбал дээр би танд юу гэж хэлснийг санаарай. Үлдэгдлээ төлж дуусмагц дахин хорхойсч тэвчээр алдахгүйн тулд хуучин картуудаа хааж, хэсэг хэсэг болгон хайчилж хая. Хэрэглэгч нар хяналт хангалтгүй гэсэн ганцхан шалтгаанаар өрөнд баригддаг юм. Таныг “хэн илүү мөнгө зарах вэ” гэдэг тоглоом хорхойг чинь хөдөлгөн байж татан оруулдаг зээлийн картыг уул овоо шиг овоолон хаях нь танд хэрэгтэй сүүлчийн зүйл. Дараачийн удаа хавьгүй их хор уршигтай байх вий гэдгийг танд батлан хэлэх байна.

Эцэст нь бас нэг анхааруулах зүйл байна. Хэрэв та дахин санхүүжүүлэх юм уу өрийн хүүг багасгаж чадвал урхинд орохгүй, шинэ “хямд” өр тавихгүй. Хэрэглэгчид ингэх нь олонтаа байдаг. Энэ нь хөвж яваа сүрлээс шүүрэн авч, сүйрэлд орохтой адилхан. Та бага хүүтэй, нэлээд урт хугацааны, сар бүр бага төлбөр хийж байх зээл авч болно, гэхдээ энэ нь таныг хойш чангаахаас цаашгүй билээ. Ингэвэл та улам урт хугацаагаар өртэй байж, илүү их хүү төлж, төлөх хэрэгтэй болсон сар тутмын “нэмэлт” өрөө барагдуулахын тулд шинэ өрийнхөө ихэнх хэсгийг зарцуулахад хүрэх нь баталгаатай. Таны шинээр өр тавихын зорилго нь түрүүчийн өрөө нэмэгдүүлэх бус харин төлөхөд оршино.

Энэ бол өр багасгах цорын ганц дөхөмтэй төлөвлөгөө биш. Гэхдээ энэ бол туйлын хялбар, хэрэглэхэд энгийн, түргэн хэрэгждэг төлөвлөгөө юм. Хэрэв таныг түүний нарийн ширийн зүйл ядраасан бол дараах энгийн зарчмыг тогтоож аваарай.
• Зээлийн хэрэггүй картаас бүрэн ангижир. Биднээс олон хүнд яаралтай тохиолдолд хэрэглэх ганц юм уу хоёр карт хэрэгтэй. Хэвийн тохиолдолд сар бүрийн эцэст үлдэгдлийг бүрэн төлөх шаардлагатай дебетийн карт хэрэглэхийг би зөвлөмж болгох байна.
• Зөвхөн бэлэн мөнгөөр төлбөр хийж бай (эсвэл үлдэгдлийг сар бүрийн эцэст бүрэн төлдөг картаар), хэрэглээний хэрэггүй бараа дахин худалдан авахаас зайлсхий.
• Өр барагдуулах төлөвлөгөө гаргаж хэрэгжүүл.
• Өрнөөс салах гурваас долоон жилийн хугацааг өөртөө төлөвлө.
• Хуучин зуршлууд чинь хорхой хүргээд ирэхийн цагт эцсийн үр дүн болох санхүүгийн эрх чөлөөнд анхаарлаа төвлөрүүлэхээ бүү март.

Өрийн дарамтгүй бол бид бүгд санхүү болон бусад утгаар аз жаргалтай, эрүүл байх болно. Дэлхий илүү сайхан газар болно. Хүн бүр өргүй амьдрах чадвартай.
Жон Бэрли
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй