Барьцаалагч эрийг шүүв
2017 оны 6 сарын 14

Лондоны 19 настай оршин суугч Уильям Холден гэгч этгээд бусдыг нүцгэн зургаар нь барьцаалж мөнгө нэхсэн хэргээр шүүгджээ. Энэ залуу нэгэн сурагч охиныг нүцгэн өөрөг зургаар нь шантаажилж сүрдүүлсэн болохыг шүүхээс тогтоосон байна. Тэрбээр охины дотоожтой зургийг авсны дараа сургууль даяар тараана гэж заналхийлсэн бөгөөд хэрэв үгүй бол бүрэн тайчсан зургаа авахуулахыг шаарджээ. Хохирогчийн эцэг шүүх дээр мэдэгдэхдээ, энэхүү барьцаанаас болж сурагч охин нойргүйдэлд автаж, хичээл дээрээ сэтгэл санаа нь төвлөрч чадахгүй болсноос гадна хэн нэгний хараат байдалд байгаагаа үргэлж мэдрэх болжээ.

Тэдгээр таагүй зургийн шаардлага нь хүчиндэх заналхийллээр солигдсон даруйд хохирогч охин эцэг, эхдээ болсон явдлын талаар хэлж, тэдний хамт шүүхэд ханджээ. Холденд 260 цаг нийгэмд тустай хөдөлмөр эрхлэх шийтгэл оноосон бөгөөд үүнийг тэр гурван жилийн турш хийж барагдуулах ёстой аж. Үүнээс гадна тэрбээр бэлгийн дарамт учруулагч гэмт хэрэгтнүүдийн бүлэгт зориулсан албадан хөтөлбөрт сургалтад таван жилийн хугацаанд хамрагдах ёстой болжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Гарцгүй газраар зам гарвал 20 мянгаар торгохыг та дэмжиж байна уу?
  • Дэмжиж байна
  • Дэмжихгүй