Хоёр толгойтой далайн гахай барьжээ
2017 оны 6 сарын 16

Хойд тэнгист саяхан хоёр толгойтой далайн гахай баригджээ. Түүнийг Голландын эргээс 30 км-ийн зайтай барьсан байна. Эрдэмтдийн хэлж буйгаар Голландын загасчид ер бусын далайн гахайны гэрэл зургийг тэдэнд илгээсэн бөгөөд энэ нь халимны төрлийнхний дотроос бүртгэгдсэн ес дэх тохиолдол хэмээжээ.

Тэрхүү загасчдын гарт орсон далайн гахай нь Phocoena phocoena төрлийнх бөгөөд хоёр толгой, гурван нүд, нэг их биетэй аж. Түүнийг торонд байхыг нь загасчид олох үед далайн гахай аль хэдийнэ үхсэн байсан тул эргүүлээд тэнгис рүү нь хаяжээ. Учир нь, тэд энэхүү ан азгүйтэл авчирч магадгүй хэмээн үзсэн байна. Тэгээд ч далайн гахай агнах нь Голланд болон Европын холбооны хуулиар хориотой.

Харин мэргэжилтнүүд энэхүү далайн гахайг судалгааны ажилд нь зориулж өгөөгүйд харамсаж байна. Урьд өмнө нь ийм төрлийн хоёр толгойтой далайн гахай ер тааралдаж байгаагүй аж. Хэрэв түүнийг судалгаанд өгсөн бол эрдэмтэд чухам юуны учир энэхүү амьтан үхсэн, ямар шалтгааны улмаас хоёр толгой гарч ирсэн болохыг тогтоох боломжтой байжээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.