Зөвхөн аж ахуйн нэгжүүдэд хуушуур борлуулах зөвшөөрөл олгоно
2017 оны 6 сарын 16

Наадмаар Төв цэнгэлдэх хүрээлэнд хуушуурын 400, худалдааны 100, Хүй долоон худагт хуушуурын 210, худалдааны 110 зөвшөөрлийг зориулагдсан цэгт олгохоор болжээ. Ингэхдээ  хуушуур буюу хоол хүнсний үйлчилгээ эрхлэх зөвшөөрлийг зөвхөн ААН-д олгох аж. Үүнтэй холбоотойгоор хоол үйлдвэрлэл, худалдаа үйлчилгээний зөвшөөрөл хүссэн материалыг 2017 оны энэ сарын 16-27-ны хооронд дүүргийн ЗДТГ-ын Хүнс, худалдаа, үйлчилгээний хэлтэс хүлээн авах юм байна.

Харин шалгаруулалт энэ сарын 28-29-ний хооронд явагдаж, шалгарсан ААН, иргэдийг 30-нд олон нийтэд мэдээлэх юм байна.

Түүнчлэн баяр наадмын үеэр зөвшөөрөл аваагүй газраас хүнсний бүтээгдэхүүн худалдан авахгүй байхыг Нийслэлийн мэргэжлийн хяналтын газраас иргэдэд сэрэмжлүүлж байна. Наадмын өдрүүдэд мэргэжлийн хяналтын байцаагчид баг болж, Төв цэнгэлдэх хүрээлэн, Хүй долоон худагт хүнсний бүтээгдэхүүн борлуулж байгаа байгууллагад хяналт тавих аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Гарцгүй газраар зам гарвал 20 мянгаар торгохыг та дэмжиж байна уу?
  • Дэмжиж байна
  • Дэмжихгүй