Хүмүүсийг фургоноор дайрчээ
2017 оны 6 сарын 19

Зургаадугаар сарын 18-ны шөнө Лондон хотод нэгэн фургон хэсэг хүмүүсийг дайрсан талаар Ройтерс агентлаг мэдээлэв. Севен Систерс гудамжинд болсон энэхүү хэргээс болж арван хүн бэртэж гэмтсэн гэж цагдаагийнхан мэдээлэв. Үүний улмаас нэг хүнийг баривчилжээ.

Тэр хавиар явж байсан хүмүүс фургоны жолоочийн үйлдлийг таслан зогсоож, газар дарж хэвтүүлээд, дараа нь цагдаа нарт хүлээлгэж өгсөн байна. Гэрч нарын өгүүлснээр бол фургон машин Финсберри цэцэрлэгт хүрээлэн дэх лалын сүмийн дэргэд байсан хүмүүсийг шууд замаасаа гарч дайрсан гэнэ. Энэ нь урьдчилан төлөвлөсөн зохион байгуулалттай гэмт хэрэг эсэх нь одоогоор тодорхойгүй байгаа юм.

Өнгөрсөн зургаадугаар сарын 03-ны үдэш гурван эрэгтэй Лондоны гүүрний ойролцоо явган хүний замаар явж байсан хүмүүсийг машинаар дайрсны дараа Боро зах руу очиж, хутга мэсээр зэвсэглэн ойр орчим явж байсан хүмүүс рүү халдсан билээ. Террористуудыг цагдаа нар аюулгүй болгосон юм. Энэхүү цуст халдлагын улмаас найман хүн нас барж, 48 хүн шархаджээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй