Роналду хэвлэлийн бага хуралд орохоос татгалзав
2017 оны 6 сарын 19

Португалийн шигшээ багийн довтлогч Криштиану Роналду Мексикийн багтай хийсэн тоглолтын дараа зайлшгүй оролцох шаардлагатай байсан хэвлэлийн бага хуралд очсонгүй. “Роналду өвдгөндөө бэртэл авснаас болж эмчийн үзлэгт орж байгаа. Түүнд анхны тусламж үзүүлж байна. Тиймээс тэр хэвлэлийн бага хуралд оролцох боломжгүй” гэж ФИФА-ийн хэвлэлийн албаны төлөөлөгч мэдэгджээ.

Португал ба Мексикийн шигшээ багуудын тоглолт өнгөрөгч ням гаригт ОХУ-ын Казань хотод болж, 2:2-ын харьцаатайгаар өндөрлөсөн билээ. Тоглолтын 34 дэх минутад Рекардо Куарежма оновчтой цохилт хийсний дараа португалчууд илүүрхэж эхэлсэн билээ. Энэхүү гоол оруулах дамжуулалтыг түүнд Криштиану Роналду өгсөн аж. Мексикчүүд завсарлага болохоос гурван минутын өмнө тооны харьцааг тэнцүүлж, Хавьер Эрнандес бусдаасаа онцгойрчээ.

Гэвч тоглолтын 85 дахь минутад Седрик Португалийн шигшээ багийг мөн л илүү гэдгийг харуулсан боловч нэмэлт цагийн үеэр мексикчүүд ялагдлаас мултарч Эктор Морено нэг гоол хийжээ. Роналду энэхүү нөхөрсөг тоглолтын шилдэг тоглогчоор нэрлэгдсэн бөгөөд тоглолтын дараа хэвлэлийн бага хуралд оролцох учиртай байжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.