Нэр дэвшигчид телевизийн сурталчилгаанд тэрбумыг зарцуулжээ
2017 оны 6 сарын 19

“Шударга сонгуулийн төлөө иргэний нийгмийн хяналт сүлжээ”-ний гишүүн Бодлогод залуусын хяналт төрийн бус байгууллага нь сонгуулийн компанит ажлын санхүүжилтэд мониторинг хийжээ. Энэ талаараа өнөөдөр /2017.06.19/ сэтгүүлчдэд мэдээлэл хийсэн юм.

Тэдний хэлж буйгаар Монгол Улсын Ерөнхийлөгчийн сонгуульд өрсөлдөж байгаа гурван нэр дэвшигчийн арилжааны дөрвөн телевизээр цацсан ес хоногийн сурталчилгааны зардал 1 тэрбум орчим төгрөгт дөхсөн гэнэ.

Сурталчилгааны зардлыг тооцон гаргахдаа "C-1", "MN-25", "TV-9", "UBS" гэсэн дөрвөн телевизийн Сонгуулийн ерөнхий хороонд хүргүүлсэн үнийн саналд тулгуурлан, цацсан мэдээллийнхээ цагтай уялдуулж дунджаар тооцон гаргасан аж. Зардлыг нарийвчилбал: 
  •     Ардчилсан намаас нэр дэвшигч Х.Баттулга 371.032.953
  •     МАН-аас нэр дэвшигч М.Энхболд 356.951.734
  •     МАХН-аас нэр дэвшигч С.Ганбаатар 248.776.199 төгрөг
Нийт дүнгээрээ гурван нэр дэвшигчийн ес хоногийн хугацаанд дөрвөн телевизээр цацсан сурталчилгааны зардал 976.760.886 төгрөгт хүрч буй аж.

Айл өрхүүдэд нэг удаад тараахаар хэвлүүлсэн гурван нэр дэвшигчийн сурталчилгааны хэвлэмэл материалын зардал мөн 1 тэрбум төгрөгт хүрсэн, тараах, орон нутагт хүргэх зардлыг нэмж тооцвол зардал өснө гэж тус төрийн бус байгууллагын тэргүүн хэллээ.

Энэ удаагийн сонгуулийн компанит ажлын үеэр Монгол Улсын Ерөнхийлөгчийн сонгуульд нэр дэвшигчдийн Хөрөнгө орлогын мэдүүлгийг Авлигатай тэмцэх газраас гарган, олон нийтэд мэдээлсэн нь өмнөх сонгуулиудтай харьцуулахад дэвшил авчирлаа гэж тодотгосон юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Гарцгүй газраар зам гарвал 20 мянгаар торгохыг та дэмжиж байна уу?
  • Дэмжиж байна
  • Дэмжихгүй