Мөсөн дээр бүжигчид хамтдаа
2017 оны 6 сарын 19
Уран гулгалтын дэлхийн хошой аварга Хавьер Фернандес өөрийн инстаграм хуудсанд олимпийн хошой алтан медальт Евгений Плющенкотой авахуулсан гэрэл зургаа нийтэлжээ. Тэрбээр зургийнхаа дор “Түүхэн дэх хамгийн шилдэг уран гулгагчтай хамт байх нь тун сайхан байдаг. Евгенийд цаг зав гаргасных нь төлөө талархал илэрхийлье” хэмээсэн байна.

Энэ жилийн дөрөвдүгээр сарын 04-нд Плющенко эмэгтэйчүүдийн уран гулгалтын ганцаарчилсан төрөлд олимпийн аварга болсон Аделина Сотниковагийн шинэхэн дасгалжуулагчаар томилогдсон юм.

Үүнээс хэд хоногийн өмнө 34 настай уран гулгагч маань тамирчны замналаа өндөрлөж буйгаа мэдэгдсэн билээ. Плющенкогийн хувьд 2006, 2014 оны олимпийн алтан медальтай бөгөөд 2001, 2003, 2004 оны дэлхийн аварга юм. Харин 26 настай Фернандесын хувьд 2015, 2016 оны дэлхийн аварга билээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Гарцгүй газраар зам гарвал 20 мянгаар торгохыг та дэмжиж байна уу?
  • Дэмжиж байна
  • Дэмжихгүй