Боб Дилан “будаа иджээ”
2017 оны 6 сарын 19
Америкийн хөгжимчин Боб Дилан Нобелийн илтгэлээ бичихдээ Sparknotes хэмээх оюутан сурагчдын утга зохиолын сайтыг ашиглажээ. Энэ тухай Америкийн Слайт сэтгүүл мэдээлсэн байна. Дилан хэлсэн үгэндээ Хэрман Мэлвиллын “Моби Дик” романд огтхон ч гардаггүй ишлэлийг ашигласан гэнэ.

Үүнээс гадна “Моби Дик”-т зориулсан илтгэлийнхээ хэсэгт тус сайтад байршуулсан номын товч агуулгаас олонтаа будаа идсэн аж. Үүнийг шалгаж үзэхэд 78 өгүүлбэрээс 20-д нь ижил утгатай үг, өгүүлбэр тохиолджээ.

Өнгөрөгч зургаадугаар сарын 05-нд Дилан Шведийн академид уламжлал болсон Нобелийн илтгэлийнхээ дуу бичлэгийг илгээжээ. Тус байгууллагын зүгээс хөгжимчний хэлсэн үгийг “Маш агуу, яруу болсон” гэж мэдэгдсэн аж.

Энэхүү илтгэлдээ Дилан түүний анхаарлыг хамгийн их татсан гурван номоо нэрлэсэн бөгөөд үүний тоонд “Моби Дик”, Э.М. Ремаркийн “Баруун фронтод ямар ч өөрчлөлт үгүй” болон Гомерын “Одиссей” багтжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй