Багахангай өртөөнийхөн түмэндээ түшигтэй хүнээ дэмжинэ
2017 оны 6 сарын 19

Монгол Улсын Ерөнхийлөгчид Монгол Ардын Намаас нэр дэвшигч Миеэгомбын Энхболд нийслэлээс алс орших багахангайчуудтай уулзах уулзалтаа төмөр замын Багахангай өртөөнөөс эхлүүллээ. Энэхүү дүүргийн нутаг дэвсгэрээр Улаанбаатар-Замын-Үүд, Улаанбаатар-Багануур чиглэлийн төмөр зам, улсын чанартай босоо тэнхлэгийн автозам дайран өнгөрдөг. Уг дүүрэг Монгол, ОХУ, Хятад улс хоорондын зорчигч, ачаа тээврийн авто болон төмөр замын зангилаа, уулзвар юм. Иймд нэр дэвшигч Миеэгомбын Энхболд Багахангай өртөөний есөн байгууллагын ажилтнуудтай уулзаж, тэднээс дараагийн захиас даалгавраа авлаа.

Багахангай өртөө 170 гаруй ажилчидтай бөгөөд тэдний зарим нь одоогоор түрээсийн байранд амьдардаг гэнэ. Иймд Миеэгомбын Энхболдыг Ерөнхийлөгч болоод нийгмийн асуудалд нь анхаараасай гэсэн захиасыг уулзалтын үеэр дайлаа.

Монгол Улсын Ерөнхийлөгчид нэр дэвшигч Миеэгомбын Энхболд улсынхаа хөгжил дэвшил, ард түмнийхээ сайн сайхан амьдралын төлөө салбар бүрт тодорхой бодлого хэрэгжүүлэхээр мөрийн хөтөлбөрөө боловсруулсан билээ. Тухайлбал, энэхүү салбарт төмөр замын шинэ чиглэл бий болгох зорилт дэвшүүлсэн. Улаанбаатар хотын тээврийн хөдөлгөөний түгжрэлийг бууруулах, хүн, ачаа тээврийн шинэ чиглэл бий болгох зорилгоор хотыг тойрон гарах төмөр зам барих Засгийн газрын үйл ажиллагааг бодлогоор дэмжих талаар мөрийн хөтөлбөртөө тусгасанд энэ салбарынхан ам сайтай байлаа. Тиймээс ч түмэндээ түшигтэй хүнээ дараагийн Ерөнхийлөгчөөр сонгохоо илэрхийлж байна. Энэхүү уулзалтын үеэр өртөөнийхний сэтгэгдлийг сонслоо.
 
Ж.Даваасүрэн: Төрийн ажлыг мэддэг хүнээ дэмжинэ

-Нутгийнхаа хүнийг дэмжиж явдаг. Төрд олон жил ажилласан туршлагатай. Хаанаас, юунаас ажлаа эхлүүлэх вэ гэж учраа олохгүй цаг алдаж суухгүй. Төрийн ажил ямар байдгийг сайн мэдэх туршлагатай хүн учраас Ерөнхийлөгчөөр сонгогдоод ажлаа шууд эхлүүлж чадна.
 
Э.Баасанбат: Мөрийн хөтөлбөрийг нь харж,  сонголтоо хийнэ

-Монгол Улсын Ерөнхийлөгч аль ч талаараа бусдаасаа хувь илүү байх ёстой. Хамгийн гол нь улс орон, ард иргэдээ гэсэн сэтгэлтэй байх хэрэгтэй. Гурван нэр дэвшигчийн алиныг нь дэмжихээ одоогоор шийдээгүй байна. Мөрийн хөтөлбөртэй нь танилцаж, уулзалтад нь оролцож байгаад хэнд саналаа өгөхөө шийднэ дээ.
 
М.Ганболд: Ерөнхийлөгчид бэлтгэгдсэн хүн

-Улсынхаа төрийн тэргүүнийг сонгох хариуцагатай үед Ерөнхийлөгч ямар хүн байхыг бид шийдэх учир их л бодолтой байж сонголтоо зөв хийх хэрэгтэй. Хэрэв буруу хүнээ Ерөнхийлөгч болговол дөрвөн жил дээрээ эв зүйгээ олохгүй. Ингэснээр ард түмний амьдрал сайжрахгүй, улс орон хөгжихгүй. Би хувьдаа Миеэгомбын Энхболдыг дэмжиж байгаа. Энэ хүн Ерөнхийлөгч болоход бүрэн бэлтгэгдсэн.
 
 
Б.Цэрмаа: Гадаад, дотоод байдлаараа Ерөнхийлөгчид бүрэн тэнцэнэ

-Монгол гэдэг их айлыг гадаад, дотоодод төлөөлөх бүрэн эрхтэй хүнээ бид сонгох гэж байна. Иймд дотоод хүн чанар, мэдлэг боловсрол чухал. Мөн гаднах үзэмж бас хамаатай. Хэн ч харсан нүдэнд дулаахан, юм үзэж нүд тайлсан хүн гэж ярьдаг. Миеэгомбын Энхболдыг гадаад болон дотоод байдлаараа Ерөнхийлөгчид бүрэн нийцнэ гэж бодож байна. Эх сурвалж www.wikimon.mn
Ю.Сүрэн
Манай сайт танд таалагдаж байвал LIKE хийгээрэй. Танд баярлалаа.
Санал асуулга
МАН-ын шинэ даргад хэн нь тохирох вэ?
  • Ж.Эрдэнэбат
  • Ц.Нямдорж
  • У.Хүрэлсүх
  • Н.Энхболд
  • Ө.Энхтүвшин