Урлагт хайртай хүмүүс бусдад илүү тусладаг
2017 оны 8 сарын 8

Кентийн их сургуулийн судлаачид насанд хүрсэн 30476 хүний мэдээлэлд дүн шинжилгээ хийжээ. Эрдэмтэд тэдгээр хүмүүст юу хийх нь таалагддагийг олж мэдэв. Мөн судалгаанд оролцогчид буяны үйлсэд хэдий хэмжээний хандив өргөдгөө ярьжээ. Тэгтэл театр юм уу, уран зургийн галлерейд очдог хүмүүс илүүтэй өгөөмөр, энэрэнгүй байдаг нь тодорхой болов.

Судлаачид урлагт хайртай, ээлтэй байх нь хүмүүнлэгийн үйлсэд оролцох явдалтай нягт холбоотой болохыг олж мэджээ. Материаллаг байдал, нас, хүйс, хувийн зан чанар зэрэг бусад хүчин зүйлүүд арай бага үүрэгтэй байсан гэнэ. Урлаг өөрөө хүмүүний сайн сайхан байдлын түвшинг нэмэгдүүлдэг гэж эрдэмтэд үзэв. Өөрийгөө сайн сайхан байна гэж боддог хүмүүс бусдад туслах хүслээр жигүүрлэдэг аж.

Ер нь хүмүүс цаг агаар халуун байвал бусдад туслах нь бага гэнэ. Жишээ нь, жижиглэн худалдаанд ажилладаг хүмүүс хэт халуунд үйлчлүүлэгчдэд бага тусладаг, тэдний үгийг муу сонсдог болох нь тогтоогджээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй