Өчигдрийн бороонд машин урсах дөхжээ
2017 оны 8 сарын 10

Нийслэлд өчигдөр 16.40 цагийн үед орсон гэнэтийн борооны үеэр нийслэлийн Онцгой байдлын газар /НОБГ/-т зургаан дуудлага иржээ. Үүний дөрөв нь Баянзүрх дүүргээс, үлдсэн хоёр нь Сонгинохайрхан, Хан-Уул дүүргээс ирсэн дуудлага байжээ. Гэрт үерийн ус орж ирсэн гэсэн дуудлага дийлэнх нь байсан. Мөн Баянзүрх дүүргийн 28 дугаар хороонд машин усанд автаж урсах гэж байна гэсэн дуудлагын дагуу очиж Портер болон Тоёота "Күйз" автомашиныг уснаас гаргасан байна.

Наймдугаар сарын 13 буюу ирэх ням гариг хүртэл түр зуурын, дуу цахилгаантай, усархаг бороо нийслэлд орох төлөвтэй байгааг Онцгой байдлын ерөнхий газраас анхаарууллаа. Иймээс эдгээр өдрүүдэд иргэд, аж ахуйн нэгж байгууллага аялал зугаалгаар явахдаа нэгдсэн зохион байгуулалттай явж, архи согтууруулах ундаа хэтрүүлэн хэрэглэхгүй байх, гол усны ойролцоо амарч зугаалахгүй байх, бороотой, гол мөрний усны түвшин нэмэгдсэн үед баталгаатай гүүр, гарам, гарцтай газраар автомашинтай зорчих, хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, голуудын усны түвшин буураагүй байгаа голын усанд орох /тогтоол ус/, сэлэх, голын эрэг дагуу удаан хугацаагаар байрлахгүй байхыг зөвлөлөө.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.