Сурагчдын 75 хувь нь идэвхтэй хөдөлгөөн хийдэггүй
2017 оны 9 сарын 13

Ерөнхий боловсролын сургуулийн сурагчдын эрүүл мэндийн зан үйлд хийсэн судалгааны дүнг танилцуулж байна.

Хоол хүнсний хэрэглээ, хооллолтын хэв маяг:
Судалгаанд хамрагдсан сурагчдын 10.6 хувь нь илүүдэл жинтэй, 1.5 хувь нь таргалалттай, 2.6 нь тураалтай байна.
Таван сурагч тутмын нэг нь жимс, хүнсний ногоог зохистой хооллох зөвлөмжийн дагуу өдөрт тав ба түүнээс олон удаа хэрэглэдэг.
Сурагчдын 31.3 хувь нь сүү, цагаан идээг өдөрт хоёр ба түүнээс олон удаа хэрэглэдэг.
Хийжүүлсэн болон чихэрлэг ундааг сурагчдын 33.6 хувь нь өдөр бүр хэрэглэдэг.
Сурагчдын 26.4 хувь нь түргэн хоолны болон сургуулийн цайны газраар тогтмол үйлчлүүлдэг.

Эрүүл ахуй:
Сурагчдын 90 гаруй хувь нь шүдээ өдөр бүр угаадаг дадалтай.
Дөрвөн сурагч тутмын нэг нь хоол идэхийн өмнө болон ариун цэврийн өрөөнд орсны дараа гараа угааж хэвшээгүй.
Хоёр сурагчийн нэг нь сургууль дээрээ хоол цай уухаас өмнө гараа угаадаггүй.

Осол гэмтэл хүчирхийлэл:
Дөрвөн сурагч тутмын нэг нь бусдад зодуулсан.
Гурван сурагчийн нэг нь сүүлийн нэг жилийн хугацаанд осол гэмтэлд өртсөн.

Сэтгэцийн эрүүл мэнд:
Дөрвөн сурагчийн нэг нь сүүлийн нэг жилийн хугацаанд амиа хорлох талаар бодож, дөрвөн сурагчийн нэг нь амиа хорлохоор төлөвлөж, 10 сурагчийн нэг нь амиа хорлох оролдлогыг хийж байсан.
Сурагчдын олонх нь сэтгэл зүйн ямар нэгэн асуудалтай тулгардаг ч гурван сурагчийн нэг нь уур, сэтгэл бухимдлаа хэрхэн удирдах талаар хичээл ярианд оролцсон байгаа нь хангалтгүй үзүүлэлт юм.

Тамхи, согтууруулах төрлийн ундааны хэрэглээ:
Сурагчдын 10 орчим хувь нь тамхи татдаг.
Дөрвөн сурагчийн нэг нь согтууруулах төрлийн ундаа хэрэглэж үзсэн, сүүлийн нэг сарын хугацаанд сурагдын 8.9 хувь нь согтууруулах төрлийн ундааг хэрэглэсэн.

Мансууруулах бодисын хэрэглээ:
Есөн сурагчийн нэг нь мансууруулах төрлийн бодисыг хэрэглэж үзсэн.
Сүүлийн нэг сарын байдлаар сурагчдын 1.1 хувь нь марихуана, каннабис, хашиш зэрэг мансууруулах төрлийн бодисыг нэг ба түүнээс олон удаа хэрэглэсэн.

Хөдөлгөөн:
Өдөр бүр дор хаяж 60 минутын идэвхтэй хөдөлгөөн хийдэг сурагчид дөнгөж 25.2 хувь байна.
Нийт сурагчдын дөнгөж 6.7 хувь нь сүүлийн долоо хоногийн гурав ба түүнээс олон өдөр нь сургууль дээрээ биеийн тамирын хичээлд ордог байна.

Сурагчдын 44.3 хувь нь зурагт үзэх, компьютер тоглох, найзтайгаа ярилцах зэрэг идэвхгүй хөдөлгөөнд өдөрт гурав ба түүнээс олон цаг зарцуулдаг.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
МАН-ын шинэ даргад хэн нь тохирох вэ?
  • Ж.Эрдэнэбат
  • Ц.Нямдорж
  • У.Хүрэлсүх
  • Н.Энхболд
  • Ө.Энхтүвшин