Аж ахуйн нэгжүүд тогтвортой хөгжлийн зорилтуудад анхаарлаа хандуулж эхэллээ
2017 оны 9 сарын 13

Тогтвортой хөгжлийн зорилтууд ба хариуцлагатай бизнесийн зарчмууд сэдвээр МҮХАҮТ, НҮБ-ын Монгол дахь суурин төлөөлөгчийн газар хамтран зохин байгууллаа. Тус уулзалтыг нээж НҮБ-ын Даян дэлхийн гэрээний Монгол улс дахь төлөөлөгч бөгөөд МҮХАҮТ-ын дарга М.Оюунчимэг хэлэхдээ, компанийн нийгмийн хариуцлагадаа анхаарлаа хандуулан ажиллаж байгаа аж ахуйн нэгжүүд өнөөдрийн  сургалтанд хамрагдаж байна. Та бүхнийг тогтвортой хөгжлийн үзэл баримтлалыг  хэрхэн хэрэгжүүлэх хийгээд даян дэлхийн гэрээнд хэрхэн нэгдэн орж болох талаар харилцан саналаа солилцоно гэдэгт итгэж байна. Энэхүү гэрээ нь байгаль орчин, хүний эрх, хөдөлмөрийн хэм хэмжээ болон хээл хахуулийн эсрэг дөрвөн үндсэн суурь харилцаанд тулгуурлан 10 зорилтыг баримталж, бизнесийн тогтвортой үйл ажиллагааг хангахад чиглэгдсэн байдаг. Тус гэрээнд дэлхийн олон зуун орны мянга мянган компани, хөдөлмөр, иргэний нийгмийн байгууллага нэгдсэн байдаг гэдгийг дурдлаа. Тус уулзалтын нээлтэд Нэгдсэн үндэсний байгууллагын суурин зохицуулагч, НҮБ-ын хөгжлийн хөтөлбөрийн суурин төлөөлөгч хатагтай Беате Транкман, ГХЯ-ны олон талт хамтын ажиллагааны газрын зөвлөх н.Батжаргал нар оролцож үг хэллээ.  ГХЯ-ны зүгээс өнөөдрийн сургалт арга хэмжээг зохион байгуулж байгаа байгууллагуудад талархал илэрхийлэн, Монгол улсын хувийн хэвшлийнхэний нэр хүндийг олон улсын тавцанд бэхжүүлэх, гадаад хамтын ажиллагааны шинэ боломжуудыг нээж өгөхөд энэхүү даян дэлхийн гэрээний зарчимууд болон санаачлага ихээхэн хувь нэмэр болох юм. Энэ чиглэлийн сургалт, арга хэмжээ, төсөл, хөтөлбөр дээр бодлогын зүгээс болон хамтран ажиллах, дэмжлэг туслалцаа үзүүлэхэд бэлэн байгаагаа ГХЯ-ны олон талт хамтын ажиллагааны газрын зөвлөх н.Батжаргал хэллээ.

Анх 1999 онд Дэлхийн эдийн засгийн дээд хэмжээний чуулганы үеэр НҮБ-ын ерөнхий нарийн бичгийн дарга Кофи Аннан олон улсын бизнесийн лидер, хувийн хэвшлийнхэнд хандан дэлхийн байгаль орчин, нийгмийн харилцааны гол зорилтыг хэрэгжүүлэхэд НҮБ-ын агентлагууд болон хөдөлмөр иргэний нийгмийн байгууллагуудтай хамтран ажиллахыг уриалж, "Даян дэлхийн гэрээ"-г зарласан байдаг.  Энэ удаагийн сургалт, уулзалтаар аж ахуйн нэгжүүд харилцан туршлага судлах, шийдлийг олох, нийгэмтэй илүү ойр байх жишээ, загварыг харуулсан илтгэлүүдийг сонсон саналаа солилцлоо. Тухайлбал, НҮБ-ын Даян дэлхийн гэрээний Ази номхон далайн бүс хариуцсан захирал хатагтай Мэнг Люү хувийн хэвшил ба тогтвортой хөгжлийн зорилт, хүүхдийн эрх ба бизнесийн зарчмууд сэдвээр илтгэл тавьж, Монгол улсын компанийн нийгмийн хариуцлагын өнөөгийн байдал сэдвээр МҮХАҮТ-ын дэргэдэх КНХ-ын зөвлөлийн дарга Ш.Алтанбагана илтгэл тавилаа. Мөн компанийн нийгмийн хариуцлагаа ухамсарлан, ажлын байрыг тогтмол нэмэгдүүлэн, ДНБ-д болон улсын төсвийг бүрдүүлэхэд хувь нэмрээ оруулан ажиллаж байгаа Мобиком корпораци, М Си Эс Кока Кола, Оюу толгой зэрэг шилдэг аж ахуйн нэгжүүд үйл ажиллагаа, туршлагаасаа хуваалцан мэдээлэл солилцлоо.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
МАН-ын шинэ даргад хэн нь тохирох вэ?
  • Ж.Эрдэнэбат
  • Ц.Нямдорж
  • У.Хүрэлсүх
  • Н.Энхболд
  • Ө.Энхтүвшин