”Ид шидийн орон” маргааш нээгдэнэ
2017 оны 9 сарын 14

"Лантуун дохио" ТББ болон олон хүний хүч хөдөлмөр, сэтгэл зүрх шингэсэн "Ид шидийн орон" хүүхэд хамгааллын цогцолбор энэ долоо хоногийн сүүлийн гурван өдөр нээлтээ хийх гэж байна.

Баянхошууны Зүүн салаанд байгуулсан энэхүү цогцолборын нээлтийг есдүгээр сарын 15-17-ны баасан, бямба, ням гарагуудад нээлттэй өдөрлөг хэлбэрээр зохион байгуулах ажээ.

Энэхүү цогцолбор барих ажлыг өнгөрсөн  дөрөвдүгээр сард эхлүүлж өдгөө ямар ч хүний сэтгэл баясгам гэрэл цацруулсан байгууламж болжээ.

Хоёр байшингаас гадна 50 хүүхэд тойрч суугаад үлгэр сонсох саравч, өв соёл уламжлалын зургаан ханатай гэр, тоглоомын талбай, усан оргилуур, ухаалаг агуулах, сургалтын танхим, номын сан, хөгжмийн өрөө, сагсан бөмбөг хөл бөмбөгийн талбай, хүлэмж, ногоон байгууламж, уран зохиомжит зураг, гурван айлын төгөл хотхон, зам талбайн гэрэлтүүлэг зэрэг маш сайхан бүтээн байгуулалт хийсэн байна.

"Лантуун дохио" ТББ-ын тэргүүн Ч.Ганжавхлан:

"Туузгүй нээлт

Ид шидийн орон хүүхэд хамгаалал хөгжлийн төвийн барилгын нээлт ямар нэгэн тууз хайчлахгүй тун даруухан нээлттэй өдөрлөг хэлбэрээр 3 хоног болно гэдгийг албан ёсоор мэдэгдье ээ.

Хандивлагч болоод сонирхогч хэн болгонд нээлттэй бөгөөд цаас үрж тусгай урилга тараахгүй, хүүхдэд хайртай бүх хүнийг урьж байгаа болно. Нээлт ирэх Баасан Бямба Ням гарагуудад бүтэн өдрийн турш болох бөгөөд дэлгэрэнгүй мэдээллийг тун удахгүй эвэнт үүсгэж түгээх болно оо" гэжээ.

Тэд фэйсбүүк хуудастаа:

"Ид шидийг бүтээгч хүн бүхнийг урьж байна. Та бидний бүтээн байгуулалтанд ямар ч төрлийн хандив өгсөн байсан хүрэлцэн ирж нэгэн гайхалтай түүхийн гэрч болно уу?
Дэлгэрэнгүй мэдээллийг: 94222888, 99910173, 91112221, 91095951 дугааруудаас аваарай.

8м харьцах 15м хоёр байшин, 2200 мкв энэ хашаанд ирээдүй болсон хүүхэд бүхэн жаргалтай.

Бид мянга мянгуулаа гайхамшигт Ид шидийн оронг бүтээж чадлаа" гэжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
МАН-ын шинэ даргад хэн нь тохирох вэ?
  • Ж.Эрдэнэбат
  • Ц.Нямдорж
  • У.Хүрэлсүх
  • Н.Энхболд
  • Ө.Энхтүвшин