Оюунлаг монголчууд олон болжээ
2017 оны 9 сарын 29

“Азхур” номын дэлгүүр 72 цагийн турш 72 хүртэлх хувийн хямдралтай номын худалдааг хоёр дахь жилдээ зарласан билээ. Өнөөдөр эхэлсэн энэхүү хямдралтай худалдааг зорих иргэдийн тоо маш их байгаа бөгөөд хэдхэн цагийн дотор уртаас урт дараалал үүсгэсэн нь тун эерэг үзэгдэл юм.

Энэхүү худалдаанд маш олон зохиолч, орчуулагч, оюуны бүтээл эрхлэн гаргагчдын ном багтаж байгаа бөгөөд тэр дундаа “Шилдэг ном” цувралаас эрхлэн гаргасан Ж.Жойсын "Үлисс", "Дүблинчүүд", "Зураачийн залуугийн хөрөг", Х.Мэлвиллийн "Моби Дик", А.Платоновын “Чевенгүр”, О.Уайлдын "Дориан Грэйн хөрөг", Ж.Сэллинжерийн “Хөх тариан талбайн ирмэгт”, С.Довлатовын “Шилмэл өгүүллэгүүд”, Г.Газдановын “Будда эргэн заларсан нь” зэрэг алдартай романууд төдийгүй хувь хүний хөгжилд чиглэсэн Д.Трампын номнууд, “Тархи угаах урлаг”, “Ичимхий зан минь баяртай” гэхчлэн орчуулгын бүтээлүүд уншигчдын дунд ихээхэн эрэлттэй байгаа гэнэ шүү.

Дашрамд дурдахад, хямдралтай худалдаа төмөр замын депогийн ард байрлах “Мөнхийн үсэг” компанийн “Азхур” номын дэлгүүрт явагдаж байгаа бөгөөд аравдугаар сарын 01-нийг хүртэл үргэлжлэх юм байна.

Дэлгэрэнгүй мэдээллийг: Аз Хур номын их дэлгүүр пэйжээс авах боломжтой.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй