Охид тархиа хөдөлгөж болохгүй
2017 оны 10 сарын 4

Эрдэмтэд тархиа анх удаагаа хөдөлгөсөн 11-18 насны 110 эрэгтэй, 102 эмэгтэй тамирчны мэдээлэлд дүн шинжилгээ хийжээ. Тэгтэл охидын эрүүл мэндийн байдал хөвгүүдийнхээс хоёр дахин удаан хугацаанд хэвэндээ орж байсан аж.

Өсвөр насны охидын эрүүл мэнд хэвэндээ ороход сэтгэлийн хямрал, түгшүүрт байдал зэрэг нь садаа болж байсан бололтой. Судлаачид хөвгүүдэд тархи хөдлөлтийн шинж тэмдгүүд 11 хоног, охидод 28 хоног агуулагдаж байсныг олж мэдэв. Гурван долоо хоногийн дотор хөвгүүдийн 75 хувьд нь тархи хөдлөлтийн шинж тэмдгүүд алга болж байсан гэнэ.

Харин охидын 58 хувьд нь нэг сарын дараа ч гэсэн ямар нэг шинж тэмдэг илэрч байжээ. Тархи хөдлөлт нь толгой өвдөлт, сэтгэл гутрал, айдас түгшүүр, хямралт байдал зэрэг асуудлуудыг даамжруулдаг билээ. Охид үүнээс болж хөвгүүдээс илүү зовлон шаналал амсдаг байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй