Лхагва гариг гэхэд сайд нарын нэрс тодорхой болно
2017 оны 10 сарын 9

Шинэ Засгийн газрын танхимд орж ажиллах сайд нарын нэрийг ирэх лхагва гаригт өргөн барих чигтэй байна. Өнөөдөр УИХ дахь намын бүлгүүдийн хуралдаанаас өмнө сайд нарын нэрийг эцсийн байдлаар тохирч, уг хуралдаанаар хэлэлцүүлэхээр яригдаж буй юм.

Засгийн газрыг огцруулах үндэслэлд гарын үсэг зурсан талаас 32-ын бүлэгтээ гурван сайдын суудал өгөх боломжтой гэсэн байр суурьтай байна. Харин нөгөө талаас зургаан сайдын суудал авах санал тавиад байгаа юм. Улмаар асгийн газрыг огцруулах үндэслэлд гарын үсэг зураагүй талын нэр бүхий гишүүд бүлэг дотроо бүдүүн бүлэг байгуулах замаар У.Хүрэлсүхийн талыг дэмжиж, сайдын суудал санал ч тавьсан байна.

Хөшигний цааны яригдаж буй эдгээр тохироонууд ойрын хоёр хоногтоо эцэслэгдэж, УИх дахь МАН-ын бүлэг, Удирдах зөвлөл нь хуралдсаны дараа сайд нарын нэрийг өргөн барина гэх мэдээллийг тус намаас өгч байна. Сайд нарын нэр лхагва гаригт өргөн баригдсанаар энэ долоо хоногтоо шинэ Засгийн газрын танхим бүрдэх юм.
Эх сурвалж: Medee.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.