О.Баасанхүү гарын үсэг цуглуулж эхэлжээ
2017 оны 10 сарын 9

Өнөөдөр Төрийн ордонд УИХ-ын гишүүн О.Баасанхүү тэргүүтэй МАХН-ын зарим удирдах ажилтнууд мэдээлэл хийж, "МАХН шинэчлэгдэх цаг нь болсон байна. Үүний тулд Бага чуулганыг хуралдуулах шаардлага үүсээд байна" гэсэн юм.

Тус намын дүрэмд Бага чуулганыг хуралдуулах санаачлагыг намын дарга, Гүйцэтгэх товчооноос дэвшүүлж болох ба мөн Бага чуулганы гишүүдийн 1/3 нь дэмжсэн тохиолдолд хуралдуулахаар заажээ. Иймд УИХ-ын гишүүн О.Баасанхүү тэргүүтэй гишүүд дэмжигчид Бага чуулган хуралдуулахаар гарын үсэг цуглуулж эхэлсэн байна.

Тэд Бага чуулган хуралдсан тохиолдолд Их чуулган хуралдах бөгөөд үүгээр намын бодлогын шинэчлэлийг хийх бололцоо бүрдэнэ гэж үзэж байна. Учир нь МАХН зургаан жилийн өмнө нэрээ сэргээж, УИХ-д анх 11 суудал авч байсан бол өнгөрөгч сонгуулиар нэг суудал авсан билээ.

Энэ нь нам дотор бодлогын зөрчилдөөн байгаагийн зэрэгцээ улс төрийн нам олонхи дагаж бодлого шийдвэрээ баталдаг зарчим алдагдаж, зөвхөн нэг хүний үгийг сонсдог болсонтой холбоотой гэж тэд ярив. Түүнчлэн "Шат шатны хуралдааныг зохион байгуулахаар болж байгаа нь зөвхөн намын даргадаа хариуцлага тооцох тухай асуудал биш, намын бодлогын шинэчлэлийн асуудал байх болно" гэж УИХ-ын гишүүн О.Баасанхүү тодотгосон юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.