Зорилтот бүлгийн иргэдэд вакцин үнэ төлбөргүй хийнэ
2017 оны 10 сарын 10

Халдвар судлалын үндэсний төв дээр энэ долоо хоногийн сүүлээр хийж эхлэх дархлаажуулалтын вакциныг зарим иргэдэд үнэ төлбөргүй хийх аж. Энэ талаар ХӨСҮТ-ийн Эрт сэрэмжлүүлэг, хариу арга хэмжээ авах нэгжийн дарга Н.Сувдмаа "БНХАУ-аас 100 мянга, АНУ-аас 50 мянга гаруй, нийлээд 175 мянган тун томуугийн вакцин ирж байгаа. Мөн Засгийн газрын хөрөнгөөр 45000 хүн тун худалдан авч байгаа. Энэ 45.000 хүн тунгаас тодорхой хэмжээний тунг нь сайн дурын дархлаажуулалтын кабинетаар тээврийн зардлыг оруулж тооцоод 15 мянган төгрөгөөс хэтрүүлэхгүй төлбөртэй хийнэ.

Харин 175.000 тунг нийгмийн эрсдэлтэй бүлэг, эмнэлгийн ажилчид, онцгой байдал, цэцэрлэгийн хүүхдүүд, жирэмсэн эхчүүдэд үнэгүй хийнэ. Өмнө жил гэхэд 75.000 тун ирэхэд 40.000 гаруй тунг нь үнэгүй хийсэн. Энэ жилийн хувьд бас адилхан. Вакцин наашаа ачигдсан. Энэ долоо хоногийн сүүлээр ирнэ. Иргэд өөрсдөө хүсвэл төлбөрөө төлөөд эмчид үзүүлээд дархлаажуулалтдаа хамрагдаж болно" гэв.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй