Эштон, Мила хоёр хүүхдүүдээ эдийн шуналтай болгохгүй
2017 оны 10 сарын 10

Холливудын сайхан хосуудын нэг Эштон Катчер, Мила Кунис нар хоёр хүүхдийн эцэг, эх болсон төдийгүй жил гаруйн өмнө албан ёсоор гэр бүлээ батлуулцгаасан. Тэднийг урлагийн ертөнцийн алдартнууд дундаа харьцангуй эгэл даруу амьдардаг гэж хэлж болно. Хүүхдүүддээ үнэтэй асрагч хөлслөхийн оронд өөрсдийн гараар өсгөж хүмүүжүүлэхийг илүүд үздэг хосууд алаг үрсдээ үнэтэй бэлэг авч өгөхөөс ч татгалздаг байна.

Гурван настай Уэстт охин, арван сартай Дмитрий хүүгээ хэрхэн зөв хүмүүжүүлж буй талаараа Мила “Бид хүүхдүүддээ Зул сарын баяраар хэтэрхий үнэтэй, чамин тансаг зүйл бэлэглэхгүй. Тэднийгээ багаас нь эдийн шуналтай болгохыг хүсэхгүй байна. Мэдээж бид бүхий л бололцоогоороо хүүхдүүдээ баярлуулахыг хүсдэг. Гэхдээ тэд маань энгийн зүйлийг ойлгож, хайрладаг байх хэрэгтэй. Хүн бүр баян тансаг амьдрах эрхтэй ч эд хөрөнгөнөөс агуу зүйл байдаг гэдгийг хүүхдүүддээ ойлгуулахыг хүсч байна” хэмээжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.