2018 онд хүүхдийн мөнгө олгохгүй
2017 оны 10 сарын 10

Олон улсын валютын сангаас тавьсан шаардлагын дагуу хүүхдийн мөнгийг зорилтот бүлэгт олгох шийдвэр гаргасан. Энэ дагуу он дуустал олгох хүүхдийн мөнгийг төсөвт суулгаад байсан юм. Харин Ерөнхийлөгчийн сонгуулийн өмнө бүх хүүхдэд олгохоор болж, өмнө нь төсөвт суулгасан мөнгийг тарааж дуусгажээ. Үүнээс үүдэж есдүгээр сард хүүхдийн мөнгө олгох санхүүжилтгүй болсон байна.

Гэхдээ Сангийн сайдын үүрэг гүйцэтгэгч Б.Чойжилсүрэн “Есдүгээр сарын хүүхдийн мөнгийг олгохын тулд 110 тэрбум төгрөг шаардлагатай. Тэрхүү санхүүжилтийг аравдугаар сард хуралдах УИХ-ын ээлжит чуулганаар хэлэлцэж, баталсны дараа хүүхдийн мөнгийг энэ сараас үргэлжлүүлж олгоно” хэмээсэн.

Гэвч өнгөрсөн долоо хоногт болсон Төрийн байгуулалтын байнгын хорооны хуралдааны үеэр Ерөнхий сайд У.Хүрэлсүх “Хүүхдийн мөнгийг 2017 онд бүх хүүхдэд олгож дуусгана. Харин 2018 онд хүүхдийн мөнгийг бүх хүүхдэд олгохгүй” гэсэн. Гэхдээ одоогоор 2017 оныг дуустал хүүхдийн мөнгийг хэрхэн, хэзээ олгох нь тодорхойгүй байна.

Хүүхдийн мөнгийг хэзээ олгох талаар Төрийн болон арилжааны банкуудаас тодруулахад “Хүүхдийн мөнгөний санхүүжилт тодорхойгүй хугацаагаар хойшилсон. Санхүүжилт хэзээ орох нь тодорхойгүй байгаа тул харьяа халамжийн хэлтэстээ хандан уу” гэлээ.
Эх сурвалж: Eagle.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй