Пэддок зугтахыг төлөвлөж байжээ
2017 оны 10 сарын 11

Лас-Вегаст хүмүүс рүү гал нээсэн Стивен Пэддок Маккарран олон улсын нисэх онгоцны буудлын дэргэд байрладаг онгоцны түлш бүхий агуулахуудыг дэлбэлж, цагдаа нарын анхаарлыг сарниулахын тулд маш хүчтэй сумыг ашиглаж байжээ.

Гэмт хэрэгтэн онгоцны буудлаас холгүйхэн оршдог Мандалэй Бэй зочид буудлын 32 дугаар давхраас гал нээж байсан юм. Стивен Пэддок түлшний агуулах руу буудсан болохыг сумны хонгионуудаар тогтоосон байна. Түүний буудсан сумны хонгионууд агуулахын ойролцоогоос олджээ.

Энэ сарын 01-ний өдөр Невада мужийн 64 настай оршин суугч Стивен Пэддок хөгжмийн наадмыг үзэж байсан хүмүүс рүү гал нээснээр 58 хүн амь үрэгдэж 489 хүн шархадсан билээ.

Цагдаа нар түүний байрлаж байсан өрөө рүү дайрч орохоос өмнө гэмт этгээд амиа егүүтгэсэн юм. Пэддок ямар нэгэн алан хядах бүлэглэлүүдтэй холбоогүй байсныг Холбооны мөрдөх товчооныхон тогтоожээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.