Нобелийн шагналтнууд мөнгөө хэрхэн үрдэг вэ?
2017 оны 10 сарын 12

Зарим нэг хүмүүс мөнгийг гарын салаагаараа урсгаж байхад хэн нэгэн байшин, барилгаа өөд нь татах гээд зовж байдаг цаг. Зарим нэг хүмүүс сугалаагаар мөнгө хожиж байхад өөр нэг нь Нобелийн шагнал хүртэж байх.

Энэ жил эдийн засгийн салбарт Нобелийн шагнал хүртсэн Ричард Талер авсан мөнгөө аль болох үр дүнтэй зарцуулна хэмээн хошигносон билээ. Тэрбээр хүмүүний сэтгэл хөдлөл эцсийн шийдвэр гаргахад хэрхэн нөлөөлдөг болохыг судалсан нэгэн. Ер нь Нобелийн шагналыг авсан хүмүүс мөнгөө хэрхэн үрдэг бол оо?

2010 онд Нобелийн шагналыг хүртсэн Кристофер Писсаридес “Би банк руу очтол өвгөн багшийн минь хэлснээр мөнгө маань зүгээр л ууршиж орхисон” гэжээ. Мань хүн шагналын мөнгөө хоёр найзтайгаа хувааж авсан билээ. Тэд Лондоны Эдийн засгийн сургуульд хөдөлмөрийн зах зээлийг судалдаг юм. Кристофер 330 мянган долларыг дансандаа хийгээд зогсохгүй хувцас хунар худалдан авч, гэр бүлтэйгээ аялжээ. Мөн худалдаж авсан байшингийнхаа тавилгыг шинэчилсэн байна.

2013 онд Нобелийн шагналыг хүртсэн Роберт Шиллер 400 мянган доллар үржээ. Энэ мөнгөний дийлэнх хэсгийг тэрбээр гэр бүл, найз нөхдөө дагуулж шагналаа авахаар Стокгольм руу явахдаа үрсэн байна. Эхнэртэйгээ хамт 16 хүнийг дагуулж явсан гэнэ. Аяллынх нь бүх зардлыг даажээ. Шагналаа хүртсэн баярт үйл явдлыг тэр хүмүүстэй хуваалцаж, нэг нэгэндээ дотно байхыг зорьсон аж. Зарим нэг мөнгөө буяны үйлсэд зориулсан байна. Гэх мэтчилэн шагналтнууд мөнгөө түвэггүйхэн үрцгээсэн аж. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.