Ломбардуудыг хулгайн эд зүйлс авахаас сэргийлж цахимжуулна
2017 оны 10 сарын 12

Өдгөө нийслэлд үйл ажиллагаа явуулж буй 600 орчим ломбардаар жилд ойролцоогоор 32 тэрбум төгрөгийн бараа эргэлддэгийн долоон тэрбум гаруй төгрөгийн эд зүйлс нь хулгайч нарын гараар дамжсан байдгийг цагдаагийн байгууллагын төлөөлөл хэлэв.  

Тиймээс ломбардуудыг хууль эрхзүйн нэгдсэн зохион байгуулалттай болох, мэдээллийн нэгдсэн цахим сантай болох зэрэг асуудлыг хэлэлцэн шийдвэрлэх зорилгоор “Монголын барьцаалан зээлдүүлэх үйлчилгээ эрхлэгчдийн эрх ашгийг хамгаалах холбоо”-ноос барьцаалан зээлдүүлэх үйлчилгээ эрхлэгчид чуулга уулзалт хийж байгаа аж.

Барьцаалан зээлдүүлэх үйлчилгээ нь иргэдийн хувьд санхүүгийн түргэн тусламжийн үйлчилгээ үзүүлдэг гэдэг утгаараа байх ёстой үйлчилгээ боловч хулгайн эд зүйлс эргэлтэд ордог учраас гэмт хэрэг дагалдаж байдаг гэдгийг чуулганд оролцогчид хэлж байлаа. Тиймээс ломбардуудыг мэдээллийн нэгдсэн цахим санд мэдээллээ оруулж, хулгайн эд зүйл орж ирэхээс сэргийлэх, орж ирсэн тохиолдолд цагдаагийн байгууллагад хандах зохицуулалттай болгохоор ажиллаж байгаа гэнэ. Цахим санд мэдээллээ нэгтгэснээр үйлчлүүлэгч аль ломбардад, ямар эд зүйлээ барьцаалсан, хугацаа хэтрүүлсэн, орхисон зэрэг мэдээлэл ил болохоос гадна телевизор, гар утас, компьютер зэрэг цахилгаан барааны регистрийн дугааруудыг суулгаснаар хулгайн эд зүйлс илрэх боломж бүрдэх юм байна.

Цахим мэдээллийн нэгдсэн санг “Монголын барьцаалан зээлдүүлэх үйлчилгээ эрхлэгчдийн эрх ашгийг хамгаалах холбоо” үнэ төлбөргүй зохион бүтээсэн бөгөөд ломбардын үйл ажиллагаа эрхлэгчид бүртгүүлэхэд ч үнэ төлбөргүй байхыг холбооны гүйцэтгэх захирал Ц.Эрдэнэбаатар хэллээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Цаазын ялыг сэргээх нь зөв үү?
  • Зөв
  • Буруу
  • Насаар нь хорих хэрэгтэй
  • Мэдэхгүй