Лохан продюссер Харви Вэйнштэйнийг өмөөрөв
2017 оны 10 сарын 12

Эмэгтэй жүжигчдийг хүчирхийлдэг байсан гэх хэрэгт холбогдоод буй продюссер Харви Вэйнштэйний асуудал Холливудад түймэр шиг л дүрэлзэж байгаа. Продюссер эрийн бэлгийн дарамтад орж байсан гэх гомдлыг олон жүжигчин эмэгтэйчүүд гаргасны дотор А зэрэглэлийн жүжигчид болох Гвинет Пэлтроу, Анжелина Жоли нарын нэр ч явж байгаа. Энэ дуулианаас болоод Харвигаас эхнэр нь салахаар болсон билээ. Мөн Victoria"s Secret-ийн сахиусан тэнгэр, жүжигчин Кара Делевин ч Харви Вэйнштэйнийг өөртэй нь зүй бус харьцсан гэдгийг хэлсэн.

Ийнхүү бүх дэлхий ертөнц продюссер эрийн эсрэг байхад Харвиг өмөөрөх нэг нь ч бас байгаа бололтой. Саяхан жүжигчин Линдси Лохан Инстаграм хуудсандаа Вэйнштэйнийг өмөөрсөн зүйл ярьж буй видеогоо оруулсан ч тун удалгүй устгаж орхисон байна. Чухам яагаад видеогоо устгасан нь тодорхойгүй байгаа ч тэрбээр бичлэг дээр эхнэрийг нь нөхрийнхөө талд зогсох ёстой гэсэн юм.

Лохан "Чапман нөхрийнхөө талд зогсох хэрэгтэй. Надад Вэйнштэйнд муу санах зүйл байхгүй. Бид хэд хэдэн кинон дээр хамтарч ажилласан. Тэр надад хэзээ ч муу зүйл хийж байгаагүй. Би энэ бүхнийг буруу гэж бодож байна. Одоо энэ бүхнийг зогсоох хэрэгтэй. Бүгдээрээ тэмцэе" гэжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.