Увс аймгийн иргэд Засаг даргаа эсэргүүцэж жагсана
2017 оны 11 сарын 2

Өнөөдөр Увс аймгийн ИТХ-ын төлөөлөгч Ц.Батболд тэргүүтэй тус аймгийн зарим сум, багийн иргэдийн төлөөлөл Засаг даргаа огцрохыг шаардаж мэдээлэл хийв. Тэд аймгийн Засаг дарга Д.Батсайханыг огцрохыг шаардаж энэ сарын 07-нд Улаангом хотын төв дэх маршал Ю.Цэдэнбалын нэрэмжит талбайд тайван жагсаал, цуглаан хийхээр болсон гэнэ.

Тэдний энэ үйлдлээ "Увс аймаг сүүлийн нэг жил эзэнгүй мэт болж, аймгийн Засаг даргын мөрийн  хөтөлбөрт туссан ажлууд хэрэгжиж эхлээгүй, төрийн алба цөөн хэдэн хүний гар хөл бологсдоор дүүрч 60 тэрбумын жижигсгэсэн хувилбар хэрэгжиж байгаа.

Увс аймагт төрийн албаны сонгон шалгаруулалт дарга нарын эрх ашгийн дагуу явагддаг болсон бөгөөд тэд өөрсдийн хүнийг түр томилоод, сонгон шалгаруулалтыг нэр төдий явуулан өнөөх хүнээ жинхэлдэг. Мөн ажлаа шударгаар хийж байгаа төрийн албан хаагчдыг дарамтлах нь хэрээс хэтэрсэн. Тухайлбал, элдэв баяр ёслол, наадам зохион байгуулахдаа төрийн албан хаагчдаас хураамж татаас авдаг байдал хэрээс хэтэрсэн.

Түүнчлэн Д.Батсайхан нь ял шийтгэлтэй байхдаа энэ албан тушаалд томилогдсон. Тодруулбал, Эрүүгийн хуулийн 263 дугаар зүйл буюу өршөөлд орохгүй зүйл ангиар ял шийтгэгдсэн. Увс аймгийн ИТХ-ын даргаар ажиллаж байхдаа төрийн албан хаагчдад зориулсан таван давхар 24 айлын орон сууцыг дөрвөн давхар болгож 120 гаруй сая төгрөгийг завшсан нь мөрдөн байцаалтаар тогтоогдсон.

Тиймээс шүүхээс түүнд хоёр жил төрийн албан тушаал эрхлэх эрхийг нь хасч, хоёр жил жирийн дэглэмтэй хорих ангид ял эдлүүлэхээр шийдвэрлэж байсан ч сүүлдээ 10 сая төгрөгийн торгууль болж дууссан" хэмээн тайлбарлав.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
УИХ тарахыг та дэмжиж байна уу?
  • Тийм
  • Үгүй
  • Мэдэхгүй
  • Бусад