Халуун чинжүү давсны хэрэглээг багасгана
2017 оны 11 сарын 4

Халуун чинжүү зэрэг бусад халуун ногоо орсон амтлагчууд өөхийг хайлуулдаг гэдэг нь нууц биш. Тэгвэл Хятадын Батлан хамгаалах яамны III нэгдсэн эмнэлгийн эмч нар халуун чинжүүнд агуулагддаг капсаицин гэдэг бодисын ачаар хүмүүсийн шорвог хоол унданд дурлах зуршил буурч болно гэдгийг тогтоожээ. Энэ нь цаашид зүрх, судасны өвчтэй болох магадлалыг бууруулдаг гэнэ.

Судлаачид 600 орчим хүний мэдээлэлд дүн шинжилгээ хийжээ. Судалгаанд сайн дураар оролцогчид хэсэг хугацаанд маш их халуун ногоотой хоол хүнсийг идэж байв. Тэд давсны хэрэглээгээ багасгасан нь анзаарагджээ. Үүний ачаар тэдний цусны даралт тодорхой хэмжээнд буурсан болох нь тогтоогдсон аж.

Халуун ногоотой хоол давсны амтыг илүү мэдрүүлж, шорвог зүйлээс татгалзахад хүргэдэг байна. Мэргэжилтнүүд энэ чиглэлээр судалгаагаа үргэлжлүүлэхээр шийджээ. Халуун чинжүү хүний элгийг элдэв эмгэгээс хамгаалах боломжтой гэдгийг эмч нар өгүүлэв.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.