Хийжүүлсэн ундаа таныг өвчний үүр болгоно
2017 оны 11 сарын 6

Шинжээчдийн өгүүлснээр бол долоо хоногт ердөө хоёр лааз хийжүүлсэн ундаа уухад л чихрийн шижин, ходоодны өвчин, зүрх, судасны өвчтэй болох магадлал өндөрсдөг байна.

Түүнчлэн ердөө ганцхан лааз хийжүүлсэн ундаа цусны даралтыг нэмэгдүүлдэг гэнэ шүү. Учир юунд вэ гэвэл, нэг лааз хийжүүлсэн ундаанд 39 грамм чихэр агуулагддаг байна. Энэ нь насанд хүрсэн хүний нэг хоногийн хэрэглээнээс 14 граммаар илүү гэсэн үг юм.
Эрдэмтэд өмнө нь хийгдсэн 36 судалгааны ажилд дүн шинжилгээ хийжээ. Хийжүүлсэн ундааны хэрэглээ таргалалт, зүрх, судасны өвчин, зүрхний шигдээс, чихрийн шижин зэрэг өвчнүүдийн идэвхжилтэй нягт холбоотой болох нь тодорхой болжээ.

Чихэр агуулаагүй гэсэн бичээс бүхий хийжүүлсэн ундааг уудаг хүмүүс ч эрүүл мэндээрээ хохирч мэднэ. Ийм ундаанд ердөө 10 калори илчлэг байдаг бөгөөд чихэр агуулагддаггүй. Гэхдээ энэ ундаанд чихэр орлуулагчийг ихээр хийснээр илүүдэл жинтэй болох аюул нөмөрнө. Ийм төрлийн хийжүүлсэн ундаа уух зуршилтай хүмүүст чихрийн шижин, зүрх, судасны өвчинтэй болох аюул нэмэгддэг гэнэ шүү.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.