Нийгмийн сүлжээ сэтгэцийн эрүүл мэндийг муутгахгүй
2017 оны 11 сарын 8

Флоридагийн их сургуулийн эрдэмтэд нийгмийн сүлжээг идэвхтэй ашиглах нь сэтгэцэд аюултай биш хэмээн үзэв. Судлаачид нийгмийн сүлжээнд өнгөрүүлж байгаа цаг хугацаа болон сэтгэцэд гарч байгаа асуудлуудын хооронд ямар нэгэн холбоо байгааг илрүүлж чадаагүй аж. Мэргэжилтнүүд судалгаанд оролцсон залууст нийгмийн сүлжээ, бусад хүмүүстэй харилцах харилцаа, сэтгэцийн асуудлуудын талаар хэд хэдэн асуулт тавьсан гэнэ.

Тэгтэл тодорхой мэдээлэл агуулаагүй, уншигчдын анхаарлыг татахад чиглэгдсэн, тэдний санааг зовоосон тийм мэдээллүүд асуудал болдог нь тогтоогджээ. Иймэрхүү мэдээллийг тавьдаг хүмүүс илүү ихээр ганцаардаж, амиа егүүтгэх бодолд олонтаа автдаг гэнэ шүү. Нийгмийн сүлжээнд иймэрхүү мэдээлэл тавьж байгаа хүн бусдаас туслалцаа эрж буй гэдэг нь ойлгомжтой аж.

Өмнө нь Калифорнийн их сургуулийн эрдэмтэд цахим сүлжээнд нөхөрлөх нь бодит амьдралд хүмүүстэй найзлахтай адил чухал гэдгийг тогтоосон билээ. Цахим сүлжээнд харилцах нь найз нөхдийг илүү ихээр ойртуулдаг болохыг эрдэмтэд тогтоожээ. Цахим сүлжээнд найзууд бүхэл өдрийн туршид хэн нэгний оролцоогүйгээр харилцах боломжтой.

Цахимаар таагүй мэдээлэл авсан хүн хариу бичихийнхээ өмнө тайвшрах цаг хугацаатай байдаг гэнэ. Гэхдээ нөхөрлөл цахим сүлжээнд илүү хурдан тархаж байгаа хов жив, цуу ярианаас болж нуран унаж мэдэх гэнэ. Бүхэлдээ бол өсвөр насныхан найзуудтайгаа цахимаар харилцах нь ашиг тустай гэсэн дүгнэлтэд мэргэжилтнүүд хүрчээ. Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.