Клозе дэлхийн аваргын сугалааг явуулна
2017 оны 11 сарын 10

Дэлхийн аварга шалгаруулах тэмцээний түүхэн дэх хамгийн шилдэг мэргэн бууч болох Германы довтлогч Мирослав Клозе их спортоо өнгөрсөн жил орхисон ч ирэх жил ОХУ-д зохиогдох ДАШТ-ий шувтаргын шатанд тоглох багуудын сугалааг явуулахаар болжээ.

Сугалаа ирэх сарын 01-ний өдөр Москва зохиогдох юм. Тэр үеэр Клозе ДАШТ-ий цомыг Кремлийн ордны тайзан дээр барьж гарах аж. Сугалааны үеэр шалгарсан 32 багийг найман хэсэгт хуваах юм.

Клозе ДАШТ-ий түүхэнд 16 гоол оруулсан амжилтаар мэргэн буучдыг тэргүүлж байгаа билээ. Түүнчлэн Мирослав ДАШТ-ий дөрвөн медальтай цорын ганц тоглогч юм. Түүний цуглуулгад 2014 оны алт, 2002 оны мөнгө, 2006 болон 2010 онуудын хүрэл медаль байгаа билээ. Өдгөө Клозе Германы шигшээ багийн дасгалжуулагчдын багт ажиллаж байгаа юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.