Б.Хурцыг Элчин сайдаар томилохыг Ерөнхийлөгч зөвшөөрчээ
2017 оны 11 сарын 11

ТЕГ-ын экс дарга Б.Хурц С.Зоригийн хэргийг шалгах ажлын хэсгийнхныг Хууль зүй, дотоод хэргийн сайд Ц.Нямдорж тараадаг, түүний хуурай дүү н.Анхбаяр болон хүү Н.Анхбаяр нар нь мөнгө угаасан байх магадлалтай хэмээн мэдэгдэж олны анхаарлын төвд дахин орсон.

Энэхүү мэдэгдлийнхээ дараа ТЕГ-ын даргын албан тушаалаас буусан түүнийг "Лааш өшиглөх нь" гэсэн ч Ерөнхий сайд У.Хүрэлсүх түүнийг Монгол Улсаас БНСУ-д суух бүрэн эрхт Элчин сайдаар томилуулах саналыг гаргасан нь олныг гайхшрал, хардлагыг төрүүлээд авсан. Улс төрийн томчуудын булхайг мэддэг учраас Б.Хурцаас "но"-той нөхөд айдаг гэх мэдээлэл ч гараад авсан. УИХ-ын гишүүн Ж.Батзандан хүртэл "УИХ-ын гишүүд, олон бизнесмэнүүд Б.Хурц гэдэг хүнээс айдгийг би ойлгож байна. Гэхдээ алийн болгон айж амьдрах юм бэ? Насаараа айж амьдрах юм уу?" гэж ярьсан нь үүнийг батлах мэт.

Ийнхүү Засгийн газар Б.Хурцыг Элчин сайдаар томилох саналыг гаргасан ч Ерөнхийлөгч ямар хариу өгөх нь тодорхойгүй байсан. Тэгвэл Ерөнхийлөгч ч энэ саналыг зөвшөөрсөн хариу өгчээ. Ингэснээр түүний асуудлыг УИХ-аар хэлэлцүүлэх боломжтой болж байгаа бөгөөд хэрвээ УИХ дэмжвэл ТЕГ-ын дарга асан Б.Хурц БНСУ-д Монголыг төлөөлж суух юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.