Г.Отгонцэцэг шилдэг тамирчдын санал асуулгад тэргүүлж байна
2017 оны 11 сарын 13

Казахстан улсын Үндэсний Олимпын Хорооноос жил бүр зохион байгуулдаг зуны Спортын төрлийн шилдэг тамирчин шалгаруулах номинацийн санал асуулгад Г.Отгонцэцэг Казахстаны жүдо бөхийн холбооноос нэр дэвшчээ.

Тэрбээр “Рио-2016” олимпоос хүрэл медаль хүртэж, Казахстан улсын төрийн далбааг Риогийн тэнгэрт мандуулсан нь өдгөө спортын ертөнцөд томоохон дуулиан үүсгэж, зөвхөн монголчууд төдийгүй казахстанчуудыг баярлуулж байгаа билээ.

Энэхүү санал асуулгад зургаан тамирчин нэр дэвшиж байгаа бөгөөд Г.Отгонцэцэгийн хувьд одоогоор 5602 буюу хамгийн их саналыг авч, тэргүүлж байна.

Г.Отгонцэцэгийн хувьд “Рио-2016” олимпийн өмнө Казахстаны нэрийн өмнөөс тэмцээн, уралдаанд оролцохоор гэрээ байгуулан, тус улсыг зорьсон юм. Учир нь түүний жинд /48 кг/ манай улсын шилдэг тамчирчин дэлхийн аварга, гавьяат тамирчин М.Уранцэцэг барилддаг. Тиймээс ОУХМ Г.Отгонцэцэг нарын хооронд гол өрсөлдөөн болдог байлаа.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.