Эрүүл хооллолт, дасгалын ачаар 90 килограмм жин хаяжээ
2017 оны 11 сарын 13

90 килограмм жин хаяхаасаа өмнө Николь амьдралаа алдах шахаж байжээ. Тэрбээр өөрийнхөө амьдралын талаар бусадтай хуваалцахыг хүссэн байна. Тэрбээр тун хатуу бэрх амьдралыг туулжээ. Учир нь, Николийг 15-тай байхад ээж нь хорт хавдраар нас барж, 18 насандаа тэрбээр гэр оронгүй болж, хэрцгий найз залуугийнхаа дарамтанд байсаар архины хамааралтай болж, эцсийн бүлэгт найз залуудаа гурван ч ясаа хугалуулан эмнэлэгт хүргэгдсэн аж.

Түүний найз залуу “Чам шиг тарган эмэгтэйтэй хамт байхыг хэн ч хүсэхгүй” гэж хэлдэг байсан бөгөөд Николь ч түүнд нь итгэдэг байсан гэнэ. Гэхдээ бүсгүй өөрийгөө хайрлаж эхэлснээр сайхан ханьтай болж чадсан байна. Харин маш их ачаалал, дарамттай ажлаас болоод тэр турж чадахгүй байжээ.

2015 оны нэгдүгээр сард Николь нэгэн шоу үзэж байгаад өөртэй нь чацуу хэрнээ 313 килограмм жинтэй эмэгтэйг хараад яг л үхэж байгаа мэт мэдрэмж төрсөн аж. Тэрбээр гэнэт уйлж эхэлсэн бөгөөд нөхөртөө “Хангалттай, би үүнийг өөрийнхөө төлөө хийх хэрэгтэй” гэжээ. Харин нөхөр нь “Николь, би чамайг 195 килограмм жинтэй байсан ч хайрлах болно. Би чамайг үргэлж дэмжиж, хайрласаар байх болно” гэсэн нь маш их урам өгчээ.

Ийнхүү Николь бүсгүй сэтгэл шулуудсан бөгөөд тэрбээр мэс засалд орох гэсэнгүй. Харин биед эрүүл хооллолтыг сонгож, гүйлтийн зам худалдан авч унтлагын өрөөндөө тавьжээ. Ердөө гурван минут гүйснийхээ дараа тэрбээр унаад өгсөн аж. Гэвч тэр бууж өгөлгүй долоо хоногт 5-7 өдөр дасгал хөдөлгөөн тогтмол хийсээр байсан гэнэ. Улмаар хоёр жил, хагасын дараа Николь 90 кг жин хаясан бөгөөд өдгөө тэрбээр найзуудтайгаа ууланд аялж, нөхөртэйгээ кинонд явж, бас дэлгүүр хэсэх боломжтой болсон гэж ярьжээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.