Суран тэлээ хүүхдүүдийн сэтгэцэд нөлөөлдөг
2017 оны 11 сарын 14

Манитобагийн их сургуулийн эрдэмтдийн явуулсан шинэ судалгаа суран бүсээр ороолгох нь сэтгэцийн хямралд өртөх, амиа хорлох үйлдэл хийх юмуу хар тамхинд орох магадлалыг нэмэгдүүлдгийг харуулжээ. Суран тэлээгээр ороолгосноос үүдэх таагүй сэтгэлзүйн нөлөө удаан хугацаанд үргэлжилдэг байна.

Энэхүү судалгаанд насанд хүрсэн 8300 хүн оржээ. Тэд хүүхэд байсан үеийнхээ дурсамжаас хуваалцсан гэнэ. Судалгаанд оролцогсдын 55 хувь нь багадаа суран бүсээр ороолгуулж байснаа өгүүлэв. Ийм аргаар шийтгэл амссан хүмүүс сэтгэлийн хямралд орж, сэтгэцэд нь асуудал үүсэх магадлал өндөр байсан гэнэ. Суран тэлээгээр ороолгох нь тухайн хүүхдийн сэтгэлзүйд эцэг, эх нь салахтай адил нөлөөлдөг болохыг эрдэмтэд олж мэджээ.

Өмнө нь Миссуригийн их сургуулийн эрдэмтэд хатуу шийтгэл амсдаг хүүхдүүд 10-11 насандаа ширүүн догшин байдаг болохыг тогтоожээ. Хатуу шийтгүүлдэг хүүхдүүд сайн үйл хийх нь бага, бусдад туслах нь ховор байдаг гэнэ. Түүнчлэн бие махбодод үзүүлдэг шийтгэлүүд хүүхдүүдийн зан араншинд маш хүчтэй нөлөөлдөг билээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.