Хэллоуины баяраар алан хядагч болжээ
2017 оны 11 сарын 14

Малайзийн Петалинг-Жаяа хотод Хэллоуины баяраар амиа золиослогч алан хядагчийн өмсгөл өмсөхөөр шийдсэн нэгэн эрэгтэй саатуулагдсан байна. Мань хүнийг хараад олон нийт айж сандран, гүйлдэж эхэлжээ. Сайн эрийг энэ сарын 10-ны өдөр баривчилсан аж.

Айж балмагдсан хүмүүс цагдаагийн газар руу утасдаад “Энд цагаан нөмрөг өмссөн урт сахалтай эрэгтэй явж байна. Гэдсэндээ тэсрэх бөмбөг бүхий төхөөрөмж зүүжээ” хэмээн хэлсэн аж. Цагдаа нар мөрдөн шалгах ажиллагаа явуулаад тэр өдөр мань хүний явж байсан гудамжны нэгэн байшинд Хэллоуины баярт зориулсан үдэшлэг болсон гэдгийг тогтоожээ.

Хууль сахиулагчид тэндхийн оршин суугчдаас мэдүүлэг аваад тухайн эрэгтэй алан хядагч биш, зүгээр л уг үдэшлэгт ийм өмсгөлтэй ирсэн жирийн нэгэн болохыг олж мэдэв. Тэгээд ч тэсрэх бөмбөг нь хуурамч эд байсан аж. Хожим нь тэд олон нийтийн амгалан тайван байдлыг алдагдуулсан эрийг эрж олоод саатуулжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.