Эелдэг худалдагчийн үйлдэл хүмүүсийг уяраав
2017 оны 11 сарын 14

АНУ-ын Миссисиппи муж дахь Walmart худалдааны төвийн худалдагч бүсгүйн үйлдэл нийгмийн сүлжээ хэрэглэгчдийн сэтгэлийг ихэд хөдөлгөжээ. Боулин нэртэй нэгэн фэйсбүүк хэрэглэгч энэхүү түүхийг бусдад түгээсэн юм. Тэрбээр Walmart-аас хоолны материалаа цуглуулаад худалдагчид бичүүлэхээр дугаарлаж зогссон аж. Гэтэл түүний өмнө зогсож байсан настай эр мөнгөө өгөхдөө задгай зооснуудыг асгаж, улмаар сандарч эхэлсэн байна. Түүний гар нь салгалж, хоолой нь чичирхийлж байсан гэнэ.

Гэтэл худалдагч эмэгтэй түүний гараас атгаад зоосон мөнгөнүүдийг тоологч руу хийн “Тайвшир даа, хонгор минь. Үүнийг хамтдаа хийцгээе” гэсэн аж. Ийнхүү сандарсан хөгшинд үйлчилж дууссаных нь дараа Боулин худалдагч эмэгтэйд хийсэн үйлдэлд нь талархаж буйгаа хэлсэн байна.

Харин худалдагч эмэгтэй толгой сэгсрээд “Надад талархах хэрэггүй дээ. Энэ дэлхий дээр юу буруу байна вэ гэвэл, бид бусдыг хэрхэн хайрлахаа мартчихаад байгаа юм” гэжээ.

Боулины энэхүү түүхийг өнгөрөгч пүрэв гарагт постолсон ч аль хэдийнэ 24 мянгаас олон хүнд таалагдаад байгаа аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.