Тогоочийг унтаж байх хойгуур өөрөө хоол хийж иджээ
2017 оны 12 сарын 5
АНУ-ын Өмнөд Каролина мужид нэгэн эр зоогийн газрын ажилтнууд унтаж байсан тул өөрөө өөртөө үдийн цай бэлтгэж уусан байна. 36 настай Алекс Боуэн найзуудтайгаа аяга тагш юм уучихаад үүрийн гурван цагийн үед Waffle House сүлжээ зоогийн газраар оржээ. Тэрбээр кассны дэргэд 10 минут хүлээгээд хэн ч өөрт нь үйлчлэхгүй юм байна гэдгийг ойлгосон гэнэ. 

Мань хүн өөрөө мах болох бяслагтай сэндвич хийхээр шийдэв. Боуэн лангууны араар ортол тогооч нь хурхирч хэвтсэн аж. Мань хүн түүнийг сэрээсэнгүй. Энэ үеэр өөр үйлчлүүлэгч тэнд байгаагүй гэнэ. Хоолоо бэлдэж дуусаад Боуэн цэвэрлэгээ хийсэн бөгөөд гал тогоонд нь хэд хэдэн өөрөг зургаа авчихаад гэртээ харьжээ. Маргааш өдөр нь мань хүн эргэж ирээд сэндвичнийхээ төлбөрийг хийсэн байна. 

Боуэний түүх нийгмийн сүлжээнд тавигдсаны дараа зоогийн газрын менежер түүнд нууц үйлчлүүлэгчээр ирж ажилласанд нь талархал илэрхийлжээ. Сүлжээ газрынхан холбогдох хүмүүст нь шаардлагатай арга хэмжээ авахаа амласан бөгөөд үйлчлүүлэгчид гал тогоо руу орох ёсгүй ч Боуэнд тэд тусгай зөвшөөрөл олгосон гэдгээ мэдэгджээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.