Төрийн алба хаагчдад олгох 300 мянгыг энэ сард өгнө
2017 оны 12 сарын 6
Нийслэлийн төсвийн хөрөнгө оруулалтын талаар Нийслэлийн тамгын газрын санхүү, төрийн сангийн хэлтсийн дарга Э.Ганхүүгээс нийслэлийн төсөв батлагдсантай холбогдуудсан зарим зүйлийг тодрууллаа.

-Нийслэлийн төсөв батлагдлаа. Ирэх жилийн төсвийн онцлог, бүтээн байгуулалтад хэчнээн төгрөг төсөвлөсөн бэ?
-Нийслэлийн төсөвт тусгаснаар Улаанбаатар хот 647.2 тэрбум төгрөгийн орлого төвлөрүүлнэ. Харин Улаанбаатар хотын хэмжээнд нийт 337.6 тэрбум төгрөгийн урсгал зардалтай байх төсвийг баталлаа. 2018 онд хот 208.5 тэрбум төгрөгийг улсын төсөвт төвлөрүүлэхээр тусгасан. Мөн 153 тэрбум төгрөгийн хөрөнгө оруулалт, бүтээн байгуулалт, замын ажил хийх төсвийн баталсан байгаа. 

-Урсгал зардлыг юунд зарцуулж байгаа бол?
-Нийт урсгал зардлын 100 гаруй тэрбум төгрөгийг нь халамжид явдаг. Харин 90 орчим тэрбум төгрөг нь нийтийн тээврийн зардалд, 40 орчим тэрбум төгрөг хот тохижилтод, үлдсэн зардлыг нь Нийслэлийн төрийн албан хаагчдын цалин хөлс буюу бусад Нийслэлд зарцуулах шаардлагатай бусад зүйлсэд тус тус зарцуулна.

-Хөрөнгө оруулалтын 153 тэрбум төгрөгийг ямар бүтээн байгуулалтуудад зарцуулах вэ?
-Үүний 36 тэрбум төгрөг нь замын сангийн хөрөнгө байгаа юм. Үүнд, замын засвар арчлалт, ашиглалт, замын гэрэл дохионд зарцуулдаг. Харин үлдэгдэл 13 тэрбум төгрөгийг Улаанбаатар хотын шаардлагатай бүхий л бүтээн байгуулалтын ажилд зарцуулахаар баталсан. Тухайлбал, сургууль, цэцэрлэгийн зардал, нийтийн эзэмшлийн газар, гэрэлтүүлэг, томоохон хэмжээний гудамж талбайн тохижилт, орон сууц, байрнуудын гадна дотно ашиглалт хамаарна. Гэхдээ эдгээрт бүгдэд нь хөрөнгө оруулна гэвэл энэ мөнгө хаанаа ч хүрдэггүй. Тиймд эхлээд зайлшгүй гж үзэж байгаа ажлууд буюу боловсрол, эрүүл мэндийн салбарын газруудад хүрч ажиллах ажлууд хийгдэнэ. Төсвийг урт, дунд, богино гэсэн хугацаагаар төлөвлөдөг. Мөн хөрөнгө оруулалтаа шаардлагаар нь эрэмбэлдэг юм.

-Төрийн албан хаагчдад олгох мөнгийг хэзээ олгох вэ?
-Төрийн албан хаагчдад ажлын үр дүнгийн урамшуулал гэж олгох 300 мянган төгрөгийн урамшууллыг энэ сардаа багтааж олгоно. 2018 оны төсөв дээр мөн адил суулгасан байгааг мэдэж байгаа байх.
Эх сурвалж: iToim.mn
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.