Виталий Кличко Боксын алдрын танхимд багтана
2017 оны 12 сарын 6
Боксийн дэлхийн аварга асан Виталий Кличко, Эрик Моралес, Рональд Райт нар ирэх жил Олон улсын боксын алдрын танхимд багтахаар болжээ. Боксын тоймчдийн нийгэмлэг болон Боксын түүхийг судладаг олон улсын зөвлөлийн гишүүд санал хураагаад ийм шийдвэр гаргасан гэнэ. Тэднийг алдрын танхимд багтаах ёслолын ажиллагаа ирэх оны зургаадугаар сард АНУ-ын Канастота хотод болно. 

Виталий Кличко мэргэжлийн рингэн дээр 47 тулаан хийж, 45-д нь ялалт байгуулан хоёр ялагдал хүлээсэн билээ. Тэрбээр үнэмлэхүй жинд 1999-2000 онуудад WBO, 2004-2005, 2008-2013 онуудад WBC-гийн аварга цолыг эзэмшиж байв. 2013 онд зодог тайлаад WBC-гийн мөнхийн дэлхийн аваргаар нэрлэгджээ. Тэрбээр 2014 оноос Украины нийслэл хот Киевийн захирагчаар ажиллаж байгаа. Ийнхүү Кличко Боксын алдрын танхимд багтсан анхны украин хүн болох юм. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Төрийн алба хаагчдад 300 мянган төгрөг өгөхийг Та дэмжиж байна уу?
  • Дэмжиж байна.
  • Дэмжихгүй байна.